கொலம்பியப் பாடகி ஷகிரா, மெக்சிகோவில் நடைபெறும் தொடக்க விழாவில் அதிகாரப்பூர்வ உலகக் கோப்பை பாடலான ‘டாய் டாய்’-ஐ நிகழ்த்தவுள்ளார் என ஃபிஃபா நேற்று தெரிவித்தது.
வியாழக்கிழமை மெக்சிகோ நகரத்தில் உள்ள எஸ்டாடியோ அஸ்டெகா மைதானத்தில் ஷகிராவுடன் பர்னா பாயும் இணைந்துகொள்வார்.மெக்சிகோ மற்றும் தென்னாப்பிரிக்கா அணிகளுக்கு இடையேயான போட்டி தொடங்குவதற்கு 90 நிமிடங்களுக்கு முன்பு தொடக்க விழா தொடங்கும்.
டாய் டாய் என்பது “போகலாம்” அல்லது “வாருங்கள்” என்று பொருள்படும் ஒரு இத்தாலியச் சொற்றொடர் ஆகும். இந்த நிகழ்ச்சியில் கொலம்பிய நட்சத்திரம் ஜே பால்வின் மற்றும் தென்னாப்பிரிக்கப் பாடகி டைலா ஆகியோரும் இடம்பெறுவார்கள்.
நியூ ஜெர்சியில் உள்ள மெட்லைஃப் ஸ்டேடியத்தில் முதன்முறையாக நடைபெறும் உலகக் கோப்பை இறுதிப் போட்டியின் இடைவேளை நிகழ்ச்சியிலும் ஷகிரா பங்கேற்க உள்ளார் படம. ஏஎப்பி
