டோக்கியோவின் ஹனேடா விமான நிலையத்தில், தங்கள் காலணிகளில் கோகைனை மறைத்து வைத்து கடத்த முயன்றதற்காக ஐந்து மலேசியர்கள் ஜப்பானில் கைது செய்யப்பட்டுள்ளனர்.
NHK வேர்ல்ட் ஜப்பான் தகவலின்படி, ஐந்து சந்தேக நபர்களில் நால்வர் போதைப்பொருள் கடத்த முயன்றதை ஒப்புக்கொண்டனர், மீதமுள்ள சந்தேக நபர் இந்தக் குற்றச்சாட்டுகளை மறுத்துள்ளார்.
கைப்பற்றப்பட்ட போதைப்பொருளின் மதிப்பு சுமார் 757,300 அமெரிக்க டாலர்கள் (சுமார் 3.2 மில்லியன் மலேசிய ரிங்கிட்) என மதிப்பிடப்படுவதாக காவல்துறை செவ்வாய்க்கிழமை (அக்டோபர் 13) அன்று தெரிவித்தது.
விமான நிலையத்தில் ஜப்பானிய சுங்க அதிகாரிகள் நடத்திய சோதனை களின்போது, ஒவ்வொரு சந்தேக நபரின் காலணிகளின் உள்ளங்கால்களுக்கு அடியில் மறைத்து வைக்கப்பட்டிருந்த கோகைன் பொட்டலங்களைக் கண்டுபிடித்தனர்.
சந்தேக நபர்களில் ஒருவரான முகமது டேனியல் ஃபர்ஹான் அப்துல் ரஹ்மான், சமூக ஊடகங்கள் மூலம் ஒருவரைச் சந்தித்ததாகவும், அவர் தன்னிடம் வெளிநாடுகளுக்கு போதைப்பொரு ளைக் கொண்டு செல்லுமாறு கேட்டதாகவும் அதிகாரிகளிடம் தெரிவித்தார்.
அவருக்கு கணிசமான தொகை பணமாக வழங்கப்பட்டு, அணிவதற்காக அந்தக் காலணிகளும் கொடுக்கப்பட்டன. இதற்கிடையில், இந்தக் கடத்தலில் ஒரு சர்வதேச போதைப்பொருள் கடத்தல் கும்பல் ஈடுபட்டுள்ளதா என்பதைத் தீர்மானிக்க, ஜப்பானிய காவல்துறையும் சம்பந்தப்பட்ட அதிகாரிகளும் மேலும் விசாரித்து வருகின்றனர்
