இந்தோனேசியாவில் காடு மற்றும் நிலப்பகுதிகளில் ஏற்படும் தீ விபத்துகள் குறித்த விசாரணையில், வெளிநாட்டு முதலீடு கொண்ட மூன்று நிறுவனங்கள் உட்பட மொத்தம் 11 நிறுவனங்களை இந்தோனேசியக் காவல்துறை சந்தேகத்திற்குரிய அமைப்புகளாகப் பட்டியலிட்டுள்ளது. தீ விபத்துகளுடன் தொடர்புடைய வணிக நிறுவனங்கள் மீது அதிகாரிகள் கடுமையான நடவடிக்கைகளை எடுத்து வருகின்றனர்.
தேசியக் காவல்துறைத் தலைவர் ஜெனரல் சுயுதி ஆரியோ செட்டோ புதன்கிழமையன்று இந்தத் தகவலை வெளியிட்டதாக ‘அன்தாரா’ (Antara) செய்தி நிறுவனம் தெரிவித்துள்ளது. விசாரணையின் போது பெரிய தடைகள் ஏதும் ஏற்படவில்லை என்றும், இருப்பினும் சம்பந்தப்பட்ட நிறுவனங் களின் பெயர்களை இப்போதே வெளியிட முடியாது என்றும் அவர் கூறினார்.
இந்த விவகாரத்தில் நிறுவனங்கள் மட்டுமின்றி, அவற்றின் உரிமையாளர் கள் மற்றும் பங்குதாரர்கள் மீதும் பொறுப்பு சுமத்தப்படலாம் என்று சுயுதி தெரிவித்தார்.
காட்டுத் தீ விபத்துகளில் தொடர்புடைய நிறுவனங்கள் குறித்து பெறப்பட்ட 98 புகார்கள், முறையான விசாரணை நிலைக்கு உயர்த்தப்பட்டுள்ளதாக காவல்துறையின் குற்றப் புலனாய்வு முகமை ஏற்கனவே அறிவித்திருந்தது.
ஆதாரங்கள் சேகரிக்கப்பட்டு, சட்டப்பூர்வ நடைமுறைகள் பூர்த்தி செய்யப்படும் போது, மேலும் பல சந்தேகத்திற்குரிய நிறுவனங்களின் பெயர்கள் வெளியிடப்படும் என்று எதிர்பார்க்கப் படுகிறது.
