செராஸ், பண்டார் டாமாய் பெர்டானா வில் உள்ள ஒரு அடுக்குமாடி குடியிருப்பின் அருகே நிலச்சரிவு ஏற்பட்டதைத் தொடர்ந்து, அங்கிருந்த குடியிருப்பாளர்கள் தங்கள் வீடுகளை விட்டு வெளியேறுமாறு நேற்று உத்தரவிடப்பட்டது. நிலத்தடி நீர் கசிவு காரணமாக இந்த நிலச்சரிவு ஏற்பட்டிருக்கலாம் என்று கருதப்படு கிறது.
முன்னெச்சரிக்கை நடவடிக்கையாக, அந்த அடுக்குமாடி குடியிருப்பு வளாகத்தின் ‘பிளாக் ஏ’ (Block A) பகுதிக்கு அருகில் வசிப்பவர்களை உடனடியாக வெளியேறுமாறு சம்பவ இடத்திலிருந்த செயல்பாட்டுக் கட்டளையாளர் உத்தரவிட்டதாக சிலாங்கூர் தீயணைப்பு மற்றும் மீட்புத் துறையின் உதவி செயல்பாட்டு இயக்குனர் அஷ்ருல் ரீசல் அஸ்பார் தெரிவித்தார்.
இரவு 9:03 மணிக்கு இச்சம்பவம் குறித்த அவசர அழைப்பு தங்களுக்கு வந்ததாகவும், அதைத் தொடர்ந்து பண்டார் துன் உசேன் ஓன் தீயணைப்பு மற்றும் மீட்பு நிலையத்திலிருந்து ஐந்து பேர் கொண்ட குழுவினர் தீயணைப்பு வாகனத்துடன் சம்பவ இடத்திற்கு அனுப்பி வைக்கப்பட்டதாகவும் அவர் கூறினார்.
“மண் சுமார் 0.91 மீட்டர் அளவிற்குச் சரிந்து நகர்ந்திருந்தது,” என்று அவர் ஒரு அறிக்கையில் குறிப்பிட்டார்.
மீட்புக் குழுவினரால் இதுவரை மண்ணின் கூடுதல் நகர்வு எதுவும் கண்டறியப்படவில்லை என்றாலும், அப்பகுதியில் தொடர்ந்து நீர் ஓடிக்கொண்டிருப்பது ஆய்வில் தெரியவந்துள்ளதாக அஷ்ருல் கூறினார்.”மண்ணின் நிலை மற்றும் நீர் ஓட்டம் ஆகியவை தொடர்ந்து கண்காணிக்கப்பட்டு வருகின்றன
