அமெரிக்காவின் கலிபோர்னியாவில் செப்டம்பர் 12 முதல் அக்டோபர் 3 வரை நடைபெறும் இந்த ஆண்டின் ‘குளோபல் மீடியா மேக்கர்ஸ்’ (GMM) லாஸ் ஏஞ்சல்ஸ் பயிற்சி முகாமில் (Residency), மொத்தம் ஒன்பது மலேசியர்கள் பங்கேற்கின் றனர்.
“அனைத்துலக அரங்கில் நாட்டின் திரைப்படத் துறைக்கு இது ஒரு வலுவான அடையாளமாக அமைகிறது,” என்று மலேசியக் குழுவின் உறுப்பினரான இஸ்கந்தர் அஜிசுதீன் கூறினார்.
லாஸ் ஏஞ்சல்ஸில் நடைபெறும் இந்தப் பயிற்சி முகாமில் பங்கேற்கும் மற்ற மலேசியர்கள்: ஃபாரிக் அலியாஸ், ஃபைசல் அஜிசுதீன், ஜான் அஸ்லீ, ஐரிஸ் சியா, நோரா நபிலா, லெமுவேல் ஓங், பிரசாத்த் சேர்வை மற்றும் பெஞ்சமின் செவாங் ஆகியோர் ஆவர்.
அமெரிக்க வெளியுறவுத் துறையின் கல்வி மற்றும் கலாச்சார விவகாரங்களுக்கான பணியகத்துடன் இணைந்து ‘ஃபிலிம் இன்டிபென்டன்ட்’ (Film Independent) அமைப்பால் நடத்தப்படும் GMM, படைப்பாற்றல் மற்றும் தொழில்முறை வளர்ச்சிக்காக உலகம் முழுவதிலுமிருந்து திரைப்படத் தயாரிப்பாளர்களை ஒன்றிணைக்கும் ஒரு சர்வதேச மேம்பாட்டுத் திட்டமாகும்.
‘ஃபிலிம் இன்டிபென்டன்ட் ஸ்பிரிட் விருதுகளை’ (Film Independent Spirit Awards) வழங்கும் அமைப்பும் இதுவே ஆகும். லாஸ் ஏஞ்சல்ஸில் இஸ்கந்தர் அஜிசுதீன் மற்றும் ஃபைசல் அஜிசுதீன்.
தற்போது திரையரங்குகளில் ஓடிக்கொண்டிருக்கும் ‘Tikus!’ (திகுஸ்!) என்ற கொலை மர்மம் சார்ந்த திரைப்படத்தைத் தயாரித்த ‘ஃபீஸ்க் புரொடக்ஷன்ஸ்’ (Feisk Productions) நிறுவனத்தைச் சேர்ந்த இஸ்கந்தர், ஒரே மலேசியத் தயாரிப்பு நிறுவனத்தி லிருந்து இரண்டு தயாரிப்பாளர்கள் தேர்ந்தெடுக்கப்பட்டதில் பெருமிதம் கொள்கிறார்
