முன்னாள் மனிதவள அமைச்சர் டத்தோ ஸ்ரீ எம். சரவணன் மற்றும் அவரது குடும்பத்தினர், தங்களுக்குச் சட்டப்பூர்வ சொத்து அறிவிப்பு தொடர்பான அறிவிக்கைகளை வழங்குவதற்காகப் புத்ராஜெயாவில் உள்ள மலேசிய ஊழல் தடுப்பு ஆணையத்தின் தலைமைய கத்திற்கு வருகை தந்துள்ளனர்.
சரவணன் தனது மனைவி மற்றும் இரு குழந்தைகளுடன் இரண்டு வாகனங்கள் கொண்ட அணிவகுப்பில் காலை 9.15 மணிக்கு முதன்மை நுழைவாயிலை வந்தடைந்ததாக ‘என்எஸ்டி’ செய்தி வெளியிட்டுள்ளது.
TYKB இன்ஜினியரிங் Sdn Bhd நிறுவனத்திற்கு 1,000 வெளிநாட்டுத் தொழிலாளர்களைப் பணியமர்த்து வதற்கான ஒதுக்கீட்டிற்கு ஒப்புதல் அளித்த விவகாரத்தில், நான்கு ஆண்டுகளுக்கு முன்பு 1.097 மில்லியன் ரிங்கிட் மதிப்பிலான லஞ்சப் பணம் தொடர்பான மூன்று ஊழல் குற்றச்சாட்டுகளைத் தபா (Tapah) நாடாளுமன்ற உறுப்பினரான இவர் தற்போது எதிர்கொண்டு வருகிறார்.
MIC கட்சியின் துணைத் தலைவராகவும் இருக்கும் சரவணன், கடந்த ஆகஸ்ட் 28 அன்று கோலாலம்பூர் அமர்வு நீதிமன்றத்தில் தன் மீதான மூன்று குற்றச்சாட்டுகளையும் மறுத்து, விசாரணையை எதிர்கொள்ளத் தயாராக இருப்பதாகத் தெரிவித்தார்.
