விசிட் மலேசியா இயர் 2026′-ஐ முன்னிட்டு நடைபெற்ற ‘ரெயின் ரேவ் வாட்டர் மியூசிக் ஃபெஸ்டிவல்’ (RRWMF)-இன் தொடக்க விழாவில், நகரின் மையப்பகுதியில் 7,000-க்கும் மேற்பட்டோர் கலந்து கொண்டு மாபெரும் வெற்றி கண்டனர்.
நள்ளிரவுக்குள் இந்த எண்ணிக்கை 10,000-ஐத் தாண்டும் என எதிர்பார்க்கப் படுவதாக கோலாலம்பூர் காவல்துறைத் தலைவர் டத்தோ ஃபாடில் மார்சஸ் உள்ளூர் ஊடகங்களிடம் தெரிவித்தார்.
“இங்குள்ள சூழல் மிகவும் உற்சாகமாக உள்ளது. இந்த வேகம் நாளை மதியம் வரை தொடரும் என எதிர்பார்க்கிறோம். மே 2-ஆம் தேதி இன்று விழா நிறைவு அடையும்.”
“எனது அதிகாரிகள் விழா நடைபெறும் இடம் முழுவதும் நிறுத்தப்பட்டுள்ளனர்.” “இந்த நிகழ்ச்சி சீராகவும் பாதுகாப்பாக வும் நடைபெறுவதை உறுதி செய்வதில் நாங்கள் உறுதியாக இருக்கிறோம்,” என்று நேற்று இரவு செய்தியாளர்களைச் சந்தித்தபோது அவர் கூறினார்.
தொடக்க இரவுக்காக மட்டும், புக்கிட் அமான் மற்றும் கோலாலம்பூரில் உள்ள அனைத்து மாவட்ட காவல் தலைமையகங்களிலிருந்தும் கூடுதல் படைகள் உட்பட 500 அதிகாரிகள் மற்றும் பணியாளர்கள் பணியில் ஈடுபடுத்தப் பட்டனர் என்றும் அவர் மேலும் கூறினார்.
சுற்றுலா, கலை மற்றும் கலாச்சார அமைச்சகத்தால் (MOTAC) ஏற்பாடு செய்யப்பட்ட இந்த மூன்று நாள் இசை விழா, புக்கிட் பிந்தாங்கின் தெருக்களை ஒரு பிரம்மாண்டமான, அதிக ஆற்றல் கொண்ட ஈரமான நடனத் தளமாக மாற்றியுள்ளது.
இதைக் கருத்தில் கொண்டு, அப்பகுதியில் உள்ள பல சாலைகள் தற்போது மூடப்பட்டுள்ளதால், அதிகாரப்பூர்வ போக்குவரத்து நிலவரங்களை உன்னிப்பாகக் கவனித்து, அதற்கேற்ப தங்கள் பயணங்களைத் திட்டமிடுமாறு ஃபாடில் பொதுமக்களுக்கு நினைவூட்டினார்.
