“ஆகஸ்ட் 4-ஆம் தேதி டான் காலமானார் என்பதை போர்னியோ ஆயில் நிறுவனத்தின் நிர்வாகக் குழு ஆழ்ந்த வருத்தத்துடன் தெரிவித்துக் கொள்கிறது. அவரது மறைவைத் தொடர்ந்து, அவர் வகித்த நிறுவனத்தின் தலைவர் பதவி உடனடியாக முடிவுக்கு வந்தது.
“அவரது குடும்பத்தினருக்கு நிர்வாகக் குழு தனது ஆழ்ந்த இரங்கலைத் தெரிவித்துக்கொள்வதுடன், நிறுவனத்திற்கு அவர் ஆற்றிய விலைமதிப்பற்ற பங்களிப்புகள் மற்றும் அர்ப்பணிப்புமிக்க சேவைக்குத் தனது மனமார்ந்த நன்றியையும் தெரிவித்துக்கொள்கிறது.”
வணிகம், சட்டம் மற்றும் நிர்வாகத் துறைகளில் பரந்த அனுபவம் கொண்ட டான், தனது பணிக்கு ஒரு விரிவான கண்ணோட்டத்தைக் கொண்டுவந்ததாக போர்னியோ ஆயில் தனது ஆண்டு அறிக்கையில் குறிப்பிட்டுள்ளது.
சிக்கலான விதிமுறைகளைக் கையாள்வது, சட்ட விதிமுறைகளுக்கு இணங்குவதை உறுதி செய்வது மற்றும் செயல்பாடுகளைச் சீரமைப்பது ஆகியவற்றில் அவருக்கு இருந்த நிபுணத்துவம், வணிகத் திறனையும் கடுமையான தரநிலைகளையும் சமநிலையில் கொண்டுசெல்ல அவருக்கு உதவியது என்று நிறுவனம் கூறியது.
இந்நிறுவனத்திலான தனது பணிக்கு அப்பால், மலேசியாவில் உள்ள பல தனியார் நிறுவனங்களின் நிர்வாகக் குழுக்களிலும் டான் பணியாற்றி யுள்ளார்; இது வணிகச் சமூகத்தில் அவரது பரந்த செல்வாக்கையும் அங்கீகாரத்தையும் எடுத்துக்காட்டுவதாக போர்னியோ ஆயில் தெரிவித்துள்ளது
