காற்று மாசுபடுத்தி குறியீட்டு மேலாண்மை அமைப்பின் (APIMS) தரவுகளின்படி, புதன்கிழமை (ஆகஸ்ட் 26) காலை 9 மணி நிலவரப்படி மலேசியாவில் மொத்தம் 16 பகுதிகளில் ஆரோக்கியமற்ற காற்று மாசுபடுத்தி குறியீட்டு (API) அளவுகள் பதிவாகி யுள்ளன.
சரவாக்கில், மூன்று பகுதிகளில் ஆரோக்கியமற்ற அளவுகள் பதிவாகின; அவை செரி அமான் (API 166), IPD செரியன் (164) மற்றும் சமரஹான் (162) ஆகும். நெகிரி செம்பிலானில், நிலாய் (Nilai) 162 API அளவைப் பதிவு செய்தது; கோலாலம்பூரில் செராஸ் (Cheras) 159 API அளவையும், புத்ராஜெயா 158 API அளவையும் பதிவு செய்தன.
சிலாங்கூரில், ஷா ஆலம் (Shah Alam) 157 API அளவைப் பதிவு செய்தது.நாடு முழுவதும் உள்ள மற்ற 50 பகுதிகளில் மிதமான அளவிலான API பதிவானது; அதேவேளையில் கங்கார் (பெர்லிஸ்) மற்றும் லங்காவி (கெடா) ஆகிய 2 பகுதிகளில் நல்ல அளவுகள் பதிவாகின.
0 முதல் 50 வரையிலான API அளவுகள் நல்ல காற்றுத் தரத்தையும், 51 முதல் 100 வரை மிதமான நிலையையும், 101 முதல் 200 வரை ஆரோக்கியமற்ற நிலையையும், 201 முதல் 300 வரை மிகவும் ஆரோக்கியமற்ற நிலையையும் குறிக்கின்றன; 300-க்கு மேற்பட்ட அளவுகள் அபாயகரமானதாக வகைப்படுத்தப்படுகின்றன.
நாடு முழுவதும் உள்ள 68 காற்றுத் தரக் கண்காணிப்பு நிலையங்களின் அளவீடுகளின் அடிப்படையில் API தரவு ஒவ்வொரு மணி நேரமும் வெளியிடப் படுகிறது.
