டத்தோ ஸ்ரீ’ மற்றும் ‘டத்தோ வீரா’ ஆகிய பட்டங்களைக் கொண்ட இருவருக்கு ஐந்து நாள் தடுப்புக் காவல்.

சுமார் 10 மில்லியன் ரிங்கிட் முதலீடு தொடர்பான விவகாரத்தில், அதிகாரத் தைத் தவறாகப் பயன்படுத்தியதாகக் கூறப்படும் குற்றச்சாட்டின் பேரில், சகோதரர்களான இரண்டு பெருநிறு வனப் பிரமுகர்கள் ஐந்து நாள் காவலில் வைக்கப்பட்டுள்ளனர்.

மலேசிய ஊழல் தடுப்பு ஆணையம் (MACC), இன்று முதல் அக்டோபர் 5-ஆம் தேதி வரை செல்லுபடியாகும் இந்தக் காவல் உத்தரவை, இன்று காலை புத்ராஜெயா மாஜிஸ்திரேட் நீதிமன்ற த்தில் மாஜிஸ்திரேட் எஸ்ரீன் ஜகாரியாவிடமிருந்து பெற்றது.

தகவல் அறிந்த வட்டாரங்களின்படி, ‘டத்தோ ஸ்ரீ’ மற்றும் ‘டத்தோ வீரா’ ஆகிய பட்டங்களைக் கொண்ட 40 மற்றும் 50 வயதுகளிலுள்ள அந்த இருவரும், இங்குள்ள MACC தலைமையகத்தில் வாக்குமூலம் அளித்த பிறகு நேற்று இரவு சுமார் 9 மணியளவில் கைது செய்யப்பட்டனர்.2020-ஆம் ஆண்டின் பிற்பகுதியில் நடைபெற்றதாகக் கூறப்படும் இந்தக் குற்றச் செயலில், இருவரும் கூட்டுச் சதியில் ஈடுபட்டதாக ஆரம்பக்கட்ட விசாரணையில் தெரியவந்துள்ளது.

“மூத்த சகோதரருக்குச் சொந்தமான முதலீட்டு நிறுவனம் ஒன்றில் சுமார் 10 மில்லியன் ரிங்கிட் முதலீட்டிற்கு ஒப்புதல் அளிப்பதற்காக, கல்வி சார்ந்த அறக்கட்டளை ஒன்றின் அதிகாரி ஒருவருடனும் அவர்கள் கூட்டுச் சதியில் ஈடுபட்டதாக நம்பப்படுகிறது,” என்று அந்த வட்டாரம் பெர்னாமாவிடம் (Bernama) தெரிவித்தது.

மேலும், MACC அதிகாரிகள் 15 சொகுசு கார்கள், 12 அதிதிறன் கொண்ட மோட்டார் சைக்கிள்கள், ஐந்து சொகுசு கைக்கடிகாரங்கள், மூன்று கைவளையல்கள் மற்றும் சுமார் 30,000 ரிங்கிட் ரொக்கப் பணம் ஆகியவற்றையும் பறிமுதல் செய்தனர்.