முதியவர்கள் கண்ணியம், மரியாதை, பாதுகாப்பு மற்றும் சமூகத்திற்குத் தொடர்ந்து பங்களிப்பதற்கான வாய்ப்புகளைப் பெறத் தகுதியான வர்கள் என்று டான் ஸ்ரீ லீ லாம் தியே (Tan Sri Lee Lam Thye) கூறினார்.
முதியோர் ஆலோசனைக் குழுவின் உறுப்பினரான அவர், மலேசியாவில் அதிகரித்து வரும் முதியோர் எண்ணிக் கைக்கு ஏற்ப, ஆரோக்கியமான முதுமை, முதியோர் பராமரிப்பு, சமூகப் பாதுகாப்பு மற்றும் முதியோருக்கு உகந்த சமூகங் களை உருவாக்குவதில் வலுவான தேசிய அர்ப்பணிப்பு இருக்க வேண்டும் என்று தெரிவித்தார்.
நேற்று (அக்டோபர் 1) கொண்டாடப்படும் சர்வதேச முதியோர் தினத்தை முன்னிட்டுப் பேசிய லீ, நாட்டின் மக்கள் தொகையில் 60 வயது மற்றும் அதற்கு மேற்பட்டவர்கள் ஏற்கனவே சுமார் 12 சதவீதத்தினராக உள்ளனர் என்று குறிப்பிட்டார்.
“இந்த மக்கள் தொகை மாற்றத்திற்கு இணையாக, ஆரோக்கியமான முதுமை, முதியோர் பராமரிப்பு, சமூகப் பாதுகாப்பு, முதியோருக்கு உகந்த சமூகங்கள் மற்றும் துன்புறுத்தல், புறக்கணிப்பு, சுரண்டல் மற்றும் பாகுபாட்டிலிருந்து பாதுகாப்பு ஆகியவற்றுக்கான வலுவான தேசிய அர்ப்பணிப்பு அவசியம்,” என்று அவர் தொடர்பு கொள்ளப்பட்டபோது கூறினார்.
முதியோரைப் பராமரிப்பதோடு மட்டும் நின்றுவிடாமல், அவர்கள் தொடர்ந்து சுறுசுறுப்பாக இயங்கவும், தங்கள் குடும்பங்கள் மற்றும் சமூகங்களுக்குப் பங்களிக்கவும் அவர்களை வலுவூட்ட வேண்டும் என்று லீ கூறினார்.
பல முதியவர்கள் பல தசாப்த கால அனுபவம், அறிவு மற்றும் ஞானம் கொண்டவர்கள் என்றும், அவர்கள் தொடர்ந்து பணியாற்றவும், தன்னார்வப் பணிகளில் ஈடுபடவும், இளைய தலைமுறையினருக்கு வழிகாட்டவும் திறனும் விருப்பமும் கொண்டவர்களாக உள்ளனர் என்றும் அவர் குறிப்பிட்டார்.
“அதே வேளையில், உடல்நலக் குறைவுள்ளவர்கள், தனியாக வசிப்பவர்கள், பொருளாதார ரீதியாகப் பாதிக்கப்படக்கூடிய நிலையில் உள்ளவர்கள் அல்லது மற்றவர்களைச் சார்ந்திருப்பவர்கள் ஆகியோரை நாம் ஒருபோதும் மறந்துவிடக் கூடாது.
