புகழ்பெற்ற சித்தார் கலைஞர் அனுஷ்கா ஷங்கர், தனது கட்டுப்பாட்டிற்கு அப்பாற்பட்ட சூழ்நிலைகளைக் காரணம் காட்டி, கோலாலம்பூரில் உள்ள பிளனரி ஹாலில் நடைபெறவிருந்த தனது நிகழ்ச்சியை ரத்து செய்வதாக அறிவித்து உள்ளார்.
இரவு நடைபெறவிருந்த இந்தக் கச்சேரி, பல ஆண்டுகளுக்குப் பிறகு மலேசியாவிற்கு அவர் நீண்டகாலமாக எதிர்பார்த்திருந்த வருகையைக் குறிக்கும் வகையில் அமைந்திருந்தது.
“கோலாலம்பூரில் உள்ள பிளனரி ஹாலில் நடைபெறவிருந்த நிகழ்ச்சியை ரத்து செய்வதை மிகுந்த வருத்தத்துடனும் ஆழ்ந்த விரக்தியுடனும் நான் அறிவிக்க வேண்டியுள்ளது,” என்று ஷங்கர் இன்ஸ்டாகிராமில் எழுதினார்.
இத்தனை ஆண்டுகளுக்குப் பிறகு மீண்டும் மலேசியாவில் நிகழ்ச்சி நடத்துவதில் நான் மிகுந்த உற்சாகம் கொண்டிருந்தேன். இருப்பினும், எங்கள் கட்டுப்பாட்டிற்கு அப்பாற்பட்ட சூழ்நிலைகள் காரணமாக, நிகழ்ச்சி ஏற்பாட்டாளரான ஷிராஸ் ப்ராஜெக்ட்ஸ் இந்த நிகழ்ச்சியை ரத்து செய்துள்ளது.
டிக்கெட் வாங்கிய அனைவருக்கும் முழுத் தொகையும் திரும்ப வழங்கப்படும் என்று அவர் ரசிகர்களுக்கு உறுதியளித்தார்: “டிக்கெட் வைத்திருப்பவர்கள் அனைவருக்கும் முழுத் தொகையும் திரும்பக் கிடைக்கும் என்று எங்களுக்கு உறுதியளிக்கப்பட்டுள்ளது. எனவே, உங்கள் மின்னஞ்சலைத் தொடர்ந்து கவனியுங்கள்; பணத்தைத் திரும்பப் பெறும் நடைமுறை குறித்த விவரங்களுக்கு ‘ஷிராஸ் ப்ராஜெக்ட்ஸ்’ நிறுவனத்தையோ அல்லது நீங்கள் டிக்கெட் வாங்கிய இடத்தையோ நேரடியாகத் தொடர்புகொள்ளுங்கள்.”
பயணத் திட்டங்களை மேற்கொண்டி ருந்த ரசிகர்களுக்கு ஏற்பட்ட இடையூறு குறித்தும் சங்கர் வருத்தம் தெரிவித்தார்: “எங்கள் ரசிகர்களுக்கு, குறிப்பாகத் தொலைதூர இடங்களிலிருந்து பயண ஏற்பாடுகளைச் செய்திருந்தவர்களுக்கு ஏற்பட்டுள்ள ஏமாற்றமும் சிரமமும் எனக்கு மிகுந்த வருத்தத்தை அளிக்கிறது
