ஜொகூர் பாருவில், பண்டான் மொத்த விற்பனை சந்தையில் சில்லறை விற்பனை மற்றும் உணவு விற்பனை நிலையங்களில் ஆவணமற்ற புலம்பெயர்ந்தோரை குடியேற்ற அதிகாரிகள் கண்டுபிடித்ததை அடுத்து எண்பத்தொரு வெளிநாட்டு ஆண்கள் கைது செய்யப்பட்டனர்.
மலேசிய எல்லைக் கட்டுப்பாடு மற்றும் பாதுகாப்பு நிறுவனம் (MCBA) உடன் மலேசிய குடியேற்றத் துறை வெள்ளிக் கிழமை நடத்திய இந்த நடவடிக்கையில், ஆவணமற்ற வெளிநாட்டினர் உரிமங்கள் இல்லாமல் வணிகங்களை நடத்துவதும், சட்ட விரோத குடியேறிகளை பணிக்கு அமர்த்துவதாகவும், தங்க வைப்பதாகவும் சந்தேகிக்கப்படும் பல வளாகங்களில் பணிபுரிவதும் கண்டறியப்பட்டது.
பசார் போரோங் பண்டான் வளாகம் சுமார் ஆறு ஹெக்டேர் பரப்பளவில் உள்ளது. ஜொகூர் குடியேற்ற இயக்குநர் டத்தோ முகமட் ருஸ்டி முகமட் தரஸ் கூறுகையில், அதிகாரிகளின் ஒப்புதல் இல்லாமல் உணவு விற்பனை நிலையங்களில் பணிபுரிவதையும் அதிகாரிகள் கண்டறிந்தனர்.
“சில வெளிநாட்டினர் வெறும் தொழிலா ளர்கள் மட்டுமல்ல, நாட்டில் வேலை செய்ய அல்லது வர்த்தகம் செய்ய சட்டப்பூர்வ அனுமதிகள் இல்லாத போதிலும், தாங்களாகவே வணிகங் களை நடத்தி வருவதாகத் தெரிகிறது” என்று அவர் ஓர் அறிக்கையில் தெரிவித்தார்.
