பொது சுகாதார சேவைகளை, குறிப்பாக முதியவர்கள் மற்றும் நடமாடுவதில் சிரமம் உள்ளவர்களுக்கு எளிதாக அணுகுவதை மேம்படுத்தும் நோக்கில், இலவச ‘கோ கேஎல்’ (Go KL) பேருந்து சேவை ஏப்ரல் 1 முதல் செராஸ் மறுவாழ்வு மருத்துவமனைக்கும் (HRC) நீட்டிக்கப்படும் என்று கூட்டரசு பிரதேசஅமைச்சர் ஹன்னா யோ அறிவித்தார்.
எம்.ஆர்.டி மலூரி மற்றும் பண்டார் துன் ரசாக் இடையே இயங்கும் GOKL11 வழித்தடத்தை, மருத்துவமனை வளாகத்திற்குள் ஒரு புதிய நிறுத்தத் தைச் சேர்ப்பதன் மூலம் கோலாலம்பூர் மாநகராட்சி (DBKL) விரிவுபடுத்தும் என்றும் அவர் கூறினார்.
“இந்த மருத்துவமனையில் சிகிச்சை பெறும் நோயாளிகள், குடியிருப்பாளர்க ள் மற்றும் குடிமக்களுக்கு, முதியவர் களுக்கு, பொதுப் போக்குவரத்து அணுகலை அதிகரிப்பதை இந்த முயற்சி நோக்கமாகக் கொண்டுள்ளது,” என்று அவர் இங்கு நடந்த செய்தியாளர் சந்திப்பில் கூறினார்.
அரசு வசதிகள் வெறுமனே கிடைப்பதாக மட்டுமல்லாமல், அவை மிகவும் தேவைப் படுபவர்களுக்கு உண்மையாகவே அணுகக்கூடியதாக இருப்பதை உறுதி செய்வதற்கான பரந்த முயற்சிகளின் ஒரு பகுதியாக இந்த நடவடிக்கை அமைகிறது என்று யோ கூறினார்.
