ஒரு கோயிலுக்கு இடையூறு ஏற்படு வதைத் தவிர்ப்பதற்காக புக்கிட் மெர்டாஜம் மருத்துவமனை இடமாற்றம் செய்யப்படும் என்ற சமூக ஊடகக் கூற்றை, மருத்துவமனை பார்வையாளர் வாரியம் மறுத்துள்ளது.
ஒரு அறிக்கையில், “கோயிலுக்கு இடையூறு ஏற்படாத வகையில் புக்கிட் மெர்டாஜம் மருத்துவமனை இடமாற்றம் செய்யப்படும்” என்று குற்றம் சாட்டிய ஒரு முகநூல் பதிவை வாரியம் குறிப்பிட்டது. அந்தப் பதிவை புக்கிட் மெர்டாஜம் நாடாளுமன்ற உறுப்பினர் ஸ்டீவன் சிம்முடன் தொடர்புபடுத்தியிருந்தது.
தேசத்துரோகக் குற்றச்சாட்டின் பேரில் அந்த முகநூல் கணக்கின் உரிமையாளர் மீது விசாரணை நடத்துமாறு அதிகாரி களை வலியுறுத்தி, காவல் நிலையத்தில் புகார் அளித்திருப்பதாக வாரியம் கூறியது.
மேலும், அவதூறு, தூண்டுதல் மற்றும் போலிச் செய்திச் சட்டங்களின் கீழ் நடவடிக்கை எடுக்குமாறும் அது வலியுறுத்தியது.இத்தகைய கூற்றுகள் தீங்கு விளைவிப்பவை என்றும், பொது அமைதியைப் பாதிக்கக்கூடும் என்றும் அது கூறியது.
அந்த சமூக ஊடகப் பதிவில் இன மற்றும் மத ரீதியான தொனிகள் இருப்பதாகவும், அவை பொது நல்லிணக்கத்தைக் கெடுத்து குழப்பத்தை உருவாக்கக்கூடும் என்றும் வாரியம் எச்சரித்தது.
தொழில் முனைவோர் மேம்பாடு மற்றும் கூட்டுறவுத் துறை அமைச்சராகவும் இருக்கும் சிம், கடந்த ஆண்டு செப்டம்பர் 14 அன்று மருத்துவமனைக்கு வருகை தந்தபோது, கோயில் தொடர்பான எந்தப் பிரச்சினையையும் எழுப்பவில்லை என்று அது கூறியது.கெடாவில் உள்ள கூலிம் போன்ற மாவட்டத்திற்கு வெளியிலிருந்து வரும் நோயாளிகள் உட்பட, அதிகரித்து வரும் நோயாளி களின் எண்ணிக்கையைச் சமாளிப்பதற்காக, மருத்துவமனை நிர்வாகம் 2023 ஆம் ஆண்டு முதல் மருத்துவமனையில் ஒரு கூடுதல் கட்டிடத் தொகுதியைக் கட்டுவதற்கான திட்டங்களைத் தொடர்ந்ததாக வாரியம் மேலும் கூறியது.
