சீனக் கல்லறை ஒன்றில் தகாத செயலில் ஈடுபட்டதாகக் குற்றம் சாட்டப்பட்ட தம்பதியினருக்கு முதலில் விதிக்கப்பட்ட 12 மாத சிறைத் தண்டனை மிக அதிகம் எனக் கருதி, அதனை அவர்கள் ஏற்கெனவே அனுபவித்த சிறைக்காலமாகக் குறைத்ததைத் தொடர்ந்து, ஜார்ஜ் டவுன் உயர் நீதிமன்றம் அவர்களை உடனடியாக விடுதலை செய்ய உத்தரவிட்டுள்ளது.
ஒரு மறுஆய்வுத் தீர்ப்பில், நீதிபதி ரோஃபியா முகமது, 58 வயதான எம். ஜெகதீசன் மற்றும் 37 வயதான ஹலிலா அபு பக்கர் ஆகியோருக்கு எதிரான குற்றத்தீர்ப்பை உறுதிசெய்தார், ஆனால் அந்தத் தண்டனைக்குப் பதிலாக, மார்ச் 23 அன்று அவர்கள் கைது செய்யப்பட்ட நாளிலிருந்து இந்தத் தீர்ப்பு நாள் வரையிலான சிறைத் தண்டனையை விதித்தார்.
“முன்னதாக நீதிமன்றத்திற்குத் தெரிவிக்கப்பட்ட நிகழ்வுகளின் அடிப்படையில், குற்றம் சாட்டப்பட்ட இருவருக்கும் எதிரான குற்றத்தீர்ப்பு உறுதி செய்யப்படுகிறது.
“இருப்பினும், 12 மாத சிறைத் தண்டனைக்குப் பதிலாக, கைது செய்யப்பட்ட நாளிலிருந்து இன்று வரையிலான சிறைத் தண்டனை விதிக்கப்படுகிறது.” “இந்த மறுஆய்வு அனுமதிக்கப்படுகிறது,” என்று அவர் இன்று கூறியதாக நியூ ஸ்ட்ரெய்ட்ஸ் டைம்ஸ் செய்தி வெளியிட்டுள்ளது.
