இணைய மோசடி கும்பலுடன் தொடர்பு டைய குற்றச் சதி குற்றச்சாட்டுகளுக்கு பதிலளிக்க நீதிமன்றத்தில் ஆஜராகத் தவறிய 41 சீன நாட்டினருக்கு தாவாவ் உயர் நீதிமன்றம் இன்று கைது வாரண்டு களை பிறப்பித்தது.
தண்டனைச் சட்டத்தின் பிரிவு 120B-ன் கீழ் குற்றம் சாட்டப்பட்ட சீன நாட்டினரின் ஜாமீன் நிபந்தனைகளை மறுஆய்வு செய்வதற்கான விசாரணையின் போது, குற்றம் சாட்டப்பட்ட 80 பேரில் 39 பேர் மட்டுமே ஆஜரானதைத் தொடர்ந்து, நீதிபதி ஸ்டீவ் ரிட்டிகோஸ் பிடியாணை பிறப்பித்தார்.
மீதமுள்ள 41 பேர் ஏப்ரல் 21 அன்று நடந்த முந்தைய விசாரணையின் போது ஆஜராகத் தவறியதோடு, இன்றும் ஆஜராகவில்லை என்று பெரிட்டா ஹரியான் செய்தி வெளியிட்டுள்ளது. அவர்கள் தப்பி ஓடிவிட்டதாகவோ அல்லது தங்கள் சொந்த நாட்டிற்குத் திரும்பிவிட்டதாகவோ நம்பப்படுகிறது, அதே நேரத்தில் அவர்களின் ஜாமீன்தாரர்களும் விளக்கம் கோரும் கடிதங்களை வழங்க ஆஜராகத் தவறினர்.
இதன் விளைவாக, நீதிமன்றம் அவர்களுக்கு எதிராக கைது பிடியாணை பிறப்பிக்கவும், அவர்களின் ஜாமீன் பணத்தை ரத்து செய்து அரசாங்கத்திடம் பறிமுதல் செய்யவும் உத்தரவிட்டது.
ஏப்ரல் 21 அன்று, அதே நீதிமன்றம், இணையவழி மோசடி கும்பலில் ஈடுபட்டதாகக் குற்றம் சாட்டப்பட்ட 80 நபர்கள் மீதான ஜாமீன் நிபந்தனை களைக் கடுமையாக்கியது. அவர்களின் கடப்பிதழ்களை ஒப்படைக்கவும், அவர்கள் தவறாமல் காவல்துறையில் ஆஜராகவும் உத்தரவிட்டது.
குற்றவியல் சதி குற்றச்சாட்டுகளுக்கு அவர்கள் குற்றமற்றவர்கள் என்று வாதிட்டதை அடுத்து, குற்றம் பிணை வழங்கக்கூடியது எனக் கருதி, குற்றம் சாட்டப்பட்ட அனைவரையும் பிணையில் விடுவிக்க அனுமதித்த மாஜிஸ்திரேட் நீதிமன்றத்தின் முடிவை எதிர்த்து அரசுத் தரப்பு மறுஆய்வு மனு தாக்கல் செய்ததைத் தொடர்ந்து இது நிகழ்ந்தது
