சபா ஊழல் குற்றச்சாட்டு தொடர்பாக தன்னை மிரட்டியதாகக் கூறிய சர்ச்சைக்குரிய தொழிலதிபர் ஆல்பர்ட் தெய் மீது, மலேசிய ஊழல் தடுப்பு ஆணையத்தின் முன்னாள் தலைவர் அஸாம் பாக்கி வழக்குத் தொடரத் தயாராகி வருகிறார்.
தெய் மீது சட்ட நடவடிக்கை எடுப்பது குறித்து பரிசீலித்து வருகிறீர்களா என்று எப்எம்டி கேட்டபோது, ”ஆம், எனது வழக்கறிஞர்கள் ஆவணங்களைத் தயாரித்து வருகின்றனர்,” என்று அவர் சுருக்கமாகக் கூறினார்.
முன்னாள் மெக் தலைவருடன் தொடர்புடைய ஒரு வழக்கறிஞர், கூறப்படும் ஊழலை அம்பலப்படுத்த வேண்டாம் என்று தெய்யை எச்சரித்ததாகக் கூறப்படும் குற்றச்சாட்டு குறித்த தனது விசாரணைக்கு உதவுவதற்காக, அஸாமை அழைப்பதாக புக்கிட் அமான் நேற்று தெரிவித்தது.
புக்கிட் அமான் குற்றப் புலனாய்வுத் துறை இயக்குநர் எம். குமார், தெய்யும், இந்தக் குற்றச்சாட்டுகளுடன் தொடர்புடைய வழக்கறிஞரும் தங்களது வாக்குமூலங்களை அளித்துள்ளதாகத் தெரிவித்தார்.
