சகோதரிகளான பி. மேவிஷ்கா இஷா மற்றும் பி. டார்லினியா இஷா ஆகியோர் சமீபத்தில் நடைபெற்ற ஒரு அனைத் துலக பேச்சுப் போட்டியில் வெள்ளிப் பதக்கங்களை வென்றனர். அவர்களில் ஒருவர் தற்போது ‘அமெரிக்காஸ் காட் டேலண்ட்’ நிகழ்ச்சிக்கான இணைய வழித் தேர்வில் பங்கேற்க இலக்கு வைத்துள்ளார்.
SJK(T) பெர்மாதாங் திங்கி பள்ளியைச் சேர்ந்த ஒன்பது வயதான மேவிஷ்காவும், எட்டு வயதான டார்லினியாவும், தாய்லாந்தின் பாங்காக்கில் மே 23 முதல் 26 வரை நடைபெற்ற உலக சாம்பியன் ஷிப் அனைத்துலக கிராண்ட் ஃபைனல்ஸ் 2026 போட்டியில் தங்களது பதக்கங்களை வென்றனர்.
மேவிஷ்கா 9-10 வயதுப் பிரிவில் வெள்ளிப் பதக்கத்தையும், டார்லினியா 7-8 வயதுப் பிரிவில் வெள்ளிப் பதக்கத்தையும் வென்றனர்.
மே 23 அன்று கோலாலம்பூரில் நடைபெற்ற கிட்ஸ் காட் டேலண்ட் மலேசியா 2026 கதைசொல்லும் போட்டியில், டார்லினியா 6-8 வயதுப் பிரிவில் முதல் ரன்னர்-அப்பாகவும், மேவிஷ்கா 9-11 வயதுப் பிரிவில் மூன்றாவது ரன்னர்-அப்பாகவும் வந்ததைத் தொடர்ந்து, இவர்களின் சாதனைகள் நிகழ்ந்துள்ளன.
இந்தச் சாதனை, இந்த ஆண்டின் பிற்பகுதியில் நடைபெறவுள்ள அமெரிக்காஸ் காட் டேலண்ட் சீசன் 21-க்கான ஆன்லைன் தகுதிச் சுற்றில் பங்கேற்கும் வாய்ப்பை டார்லினியா விற்குப் பெற்றுத் தந்துள்ளது.
டார்லினியாவின் திறமையை மேலும் தனித்துவமாக்குவதற்கான வழிகளைத் தங்கள் குடும்பம் தற்போது ஆராய்ந்து வருவதாக அவர்களின் தாயார் எஸ். குமுதமலர் (38) கூறினார்.
அவள் மலேசியாவைச் சிறப்பாகப் பிரதிநிதித்துவப்படுத்தி, இந்த வாய்ப்பை முழுமையாகப் பயன்படுத்திக்கொள்ள வேண்டும் என்று நாங்கள் விரும்புகிறோம்.
கோலாலம்பூரில் நடந்த கிட்ஸ் காட் டேலண்ட் இறுதிப் போட்டியும், பாங்காக்கில் நடந்த அனைத்துலக போட்டியும் சில நாட்களுக்குள் நடைபெற்றதால், தங்கள் குடும்பத்தின் அர்ப்பணிப்பு சோதிக்கப்பட்டதாக அவர்களின் தந்தை, 44 வயதான டாக்டர் வி.பி. புவனேஸ்வரன் கூறினார்.
“அது மிகவும் சோர்வாக இருந்தது, ஆனால் அவர்கள் மலேசியாவைப் பிரதிநிதித்துவப்படுத்தும் வாய்ப்பைத் தவறவிட நாங்கள் விரும்பவில்லை,” என்று அவர் கூறினார். குமுதமலர், தனது மகள்களின் வெற்றிக்கு, சிறு வயதிலிருந்தே வளர்க்கப்பட்ட வாசிப்புப் பழக்கமே காரணம் என்று குறிப்பிட்டார்.
