பல தசாப்தங்களாக அமலில் உள்ள பொழுதுபோக்கு வரியை ரத்து செய்ய வேண்டும் என்ற கோரிக்கையை மலேசிய சுற்றுலா கூட்டமைப்பு (MTF) ஆதரித்துள்ளது. இந்த வரி தனது நோக்கத்தை இழந்துவிட்டதாகவும், மலேசியர்கள் மற்றும் வெளிநாட்டுப் பயணிகள் இருவருக்கும் சுற்றுலா மற்றும் பொழுதுபோக்கு நடவடிக்கை களைச் செலவு மிகுந்ததாக மாற்றுவ தாகவும் அது கூறியுள்ளது.
1953-ல் அறிமுகப்படுத்தப்பட்ட இந்த வரி, தற்போதைய சுற்றுலா மற்றும் பொழுது போக்குத் துறைகளின் யதார்த்த நிலையை இனி பிரதிபலிக்கவில்லை என்று வாதிட்ட கூட்டமைப்பின் தலைவர் டாக்டர் ஸ்ரீ கணேஷ் , ‘மலேசிய தீம் பார்க் மற்றும் குடும்ப ஈர்ப்பிடங்கள் சங்கம்’ (Matfa) முன்வைத்த பொழுதுபோக்கு வரியை ரத்து செய்யும் திட்டத்தை ஆதரிப்பதாகத் தெரிவித்தார்.
“பொழுதுபோக்கு, தீம் பார்க்குகள், கலாச்சார ஈர்ப்பிடங்கள் மற்றும் பொழுதுபோக்கு நடவடிக்கைகள் ஆகியவை இனி ஆடம்பரமானவையாகக் கருதப்படுவதில்லை; மாறாக, அவை உள்நாட்டுச் சுற்றுலா, குடும்ப நல்வாழ்வு மற்றும் பொருளாதார வளர்ச்சியில் முக்கிய பங்கு வகிக்கின்றன.
“சில மாநிலங்களில், பொழுதுபோக்கு வரி நுழைவுச்சீட்டு விலையில் 25% வரை இருக்கலாம். இது நுகர்வோருக்கான செலவை நேரடியாக அதிகரிப்பதோடு, குடும்பங்கள் பங்கேற்கக்கூடிய மற்றும் கலாச்சாரம் சார்ந்த நடவடிக்கைகளில் ஈடுபடுவதையும் ஊக்கமிழக்கச் செய்கிறது,” என்று அவர் புதன்கிழமை (ஜூலை 
வெளியிட்ட அறிக்கையில் கூறினார்.
குறைவான நுழைவுச்சீட்டு விலைகள் அதிக பார்வையாளர்களை ஈர்க்கும் என்றும், உள்நாட்டுச் செலவினங்களைத் தூண்டும் என்றும் கணேஷ் கூறினார். மேலும், சுற்றுலாத் துறையைச் சார்ந்திரு க்கும் ஹோட்டல்கள், உணவகங்கள், போக்குவரத்து நிறுவனங்கள், சில்லறை விற்பனையாளர்கள் மற்றும் சிறு வணிக ங்களுக்கு இது பரந்த பொருளாதார நன்மைகளை உருவாக்கும் என்றும் அவர் குறிப்பிட்டார்.வணிகங்களுக்கு இது பரந்த பொருளாதார நன்மைகளை உருவாக்கும் என்றும் அவர் குறிப்பிட்டார்.
சுற்றுலா தொடர்பான வரிகள் குறித்து விரிவான மறுஆய்வு செய்யப்பட வேண்டும் என்றும் அவர் வலியுறுத் தினார். உரிமக் கட்டணங்கள் மற்றும் பிற விதிமுறை சார்ந்த செலவுகளுக்கு மேலதிகமாக, சுற்றுலா வரி, சிலாங்கூர் மற்றும் பகாங் மாநிலங்களில் நிலைத் தன்மைக்கான கட்டணம் (sustainability fee), பேராக் மாநிலத்தில் ஹோட்டல் கட்டணம் மற்றும் ஜோகூரில் முன்மொழி யப்பட்ட பயணக் கட்டணம் எனப் பல வரிகள் மற்றும் கட்டணங்களுக்கு இத்துறை ஏற்கனவே உட்பட்டுள்ளது என்பதை அவர் சுட்டிக்காட்டினார்
