மிஸ் எர்த் இந்தோனேசியா 2025′ (Miss Earth Indonesia 2025) பட்டம் வென்றவரும், ‘மிஸ் கிராண்ட் இந்தோனேசியா 2025’ (Miss Grand Indonesia 2025) போட்டியில் இரண்டாம் இடம் பிடித்தவருமான புத்ரி ஆண்ட்ரியானி ஜூபிச்சா, சுற்றுச்சூழல் பாதுகாப்பு குறித்த தனது செயல்பாடு களு க்காகவும் அறியப்பட்டவர்.
புத்ரி ஆண்ட்ரியானி ஜூபிச்சாவின் மறைவுச் செய்தி சனிக்கிழமையன்று (ஆகஸ்ட் 15) ‘மிஸ் கிராண்ட் இந்தோனேசி யா’ அமைப்பால் அறிவிக்கப்பட்டது; இவர் அந்த அழகிப் போட்டியில் பங்கேற்றவர் என்பது குறிப்பிடத்தக்கது அவரது மறைவுச் செய்தி சனிக்கிழமையன்று (ஆகஸ்ட் 15) அறிவிக்கப்பட்டது; ஊடகத் தகவல்களின்படி, அன்று அவருக்கு 26 வயது பூர்த்தியாகியிருக்க வேண்டும்.
இவர் ‘மிஸ் கிராண்ட் இந்தோனேசியா 2025’ போட்டியில் இரண்டாம் இடத்தைப் பிடித்ததுடன், ‘மிஸ் எர்த் இந்தோனேசியா 2025’ பட்டத்தையும் வென்றவர். ‘மிஸ் கிராண்ட் இந்தோனேசியா’ அமைப்பு சமூக ஊடகங்கள் வாயிலாக அவரது மறைவை அறிவித்தது.
“ஆழ்ந்த துயரத்துடன், புத்ரி ஆண்ட்ரியானி ஜூபிச்சாவின் மறைவுக்கு ‘மிஸ் கிராண்ட் இந்தோனேசியா’ அமைப்பு இரங்கல் தெரிவிக்கிறது,” என்று அந்த அழகிப் போட்டி அமைப்பின் இன்ஸ்டாகிராம் கணக்கில் குறிப்பிடப்பட்டுள்ளது. “நீங்கள் ஒரு பட்டத்தை வென்றவர் மட்டுமல்ல; எங்கள் ‘கிராண்ட்’ (Grand) குடும்பத்தின் ஒரு பகுதியாகத் திகழ்ந்தவர். உங்கள் நளினம், வலிமை மற்றும் மன உறுதி ஆகியவற்றால் பலரது இதயங்களைத் தொட்ட ஒரு அழகான ஆன்மா நீங்கள்.”
‘மிஸ் எர்த்’ அமைப்பும் இன்ஸ்டாகிராமில் அவருக்கு அஞ்சலி செலுத்தியது: “எங்களுடன் அவர் கழித்த காலம் மிகக் குறுகியதாக இருந்தாலும், அவர் பரப்பிய ஒளிக்கீற்று, அவரை அறியும் பாக்கியம் பெற்ற அனைவரின் நினைவுகளிலும் தொடர்ந்து நிலைத்திருக்கும்.”
அவரது இறப்புக்கான காரணம் பொதுவெளியில் வெளியிடப்பட வில்லை. உலகெங்கிலும் உள்ள அழகிப் போட்டிகளைப் பகுப்பாய்வு செய்வதில் ஈடுபட்டுள்ள ‘மிஸ்ஸோசோலஜி’ (Missosology) எனும் ஊடகத் தளத்தின்படி, புத்ரி ஆண்ட்ரியானி ஜூபிச்சா வடக்கு சுலவேசியைச் சேர்ந்தவர். இவர் தகவல் தொடர்புத் துறையில் இளங்கலைப் பட்டம் பெற்றவர்; மேலும் சட்டத்துறை யில் முதுகலைப் பட்டப்படிப்பை மேற்கொண்டு வந்தார்.
