நாடு முழுவதும் உள்ள 3,334 தேர்வு மையங்களில், 420,879 தேர்வர்கள் பங்கேற்கும் 2026-ஆம் ஆண்டிற்கான மலேசியக் கல்விச் சான்றிதழ் (SPM) தேர்வு, அக்டோபர் 26 முதல் டிசம்பர் 1 வரை நடைபெறும்.
செவ்வாய்க்கிழமை (ஆகஸ்ட் 18) வெளியிடப்பட்ட அறிக்கையில், மலாய் மொழி வாய்மொழித் தேர்வு நவம்பர் 26 முதல் 29 வரையிலும், அதனைத் தொடர்ந்து ஆங்கில மொழி வாய்மொழித் தேர்வு நவம்பர் 2 முதல் 5 வரையிலும் நடைபெறும் என்று கல்வி அமைச்சு தெரிவித்தது.
“அறிவியல் செய்முறைத் தேர்வு நவம்பர் 16 முதல் 18 வரை நடைபெறும்; அதேவேளையில், மலாய் மொழி மற்றும் ஆங்கில மொழி ஆகியவற்றிற்கான செவிமடுத்தல் தேர்வுகள் முறையே நவம்பர் 30 மற்றும் டிசம்பர் 1 ஆகிய தேதிகளில் நடத்தப்படும்,” என்று அமைச்சு கூறியது.
எழுத்துத் தேர்வுகள் நவம்பர் 23 முதல் டிசம்பர் 17 வரை நடைபெறும் என்றும், மலேசியத் தேர்வுகள் வாரியம் 2026-ஆம் ஆண்டிற்கான முழுமையான SPM தேர்வு அட்டவணையை விரைவில் அறிவிக்கும் என்றும் அமைச்சு மேலும் தெரிவித்தது.
