மிஸ் வேர்ல்ட் 2026 வெற்றியாளர் டொமினிக்கன் குடியரசின் ஜோஹெய்ரி மோலா டொமிங்குவெஸ் (மையத்தில்); அவருக்கு இருபுறமும் ஸ்பெயினின் எலிசபெத் ரெய்ன்ஸ் அலபெர்ன் (இரண்டாம் இடம்) மற்றும் மலேசியாவின் தானுசியா செட்டி (மூன்றாம் இடம்) ஆகியோர் உள்ளனர். —
வியட்நாமின் நா ட்ராங் (Nha Trang) நகரில் நேற்று இரவு (செப்டம்பர் 5) நடைபெற்ற மிஸ் வேர்ல்ட் 2026 இறுதிப் போட்டியில் மூன்றாம் இடத்தைப் பிடித்ததன் மூலம், மலேசியாவின் தானுசியா செட்டி அப்போட்டியில் அந்நாடு இதுவரை பெற்ற மிகச்சிறந்த சாதனையை சமன் செய்தார்.
இந்தச் சாதனை, 1998-ஆம் ஆண்டு மிஸ் வேர்ல்ட் போட்டியில் மூன்றாம் இடம் பிடித்த லினா தியோ (Lina Teoh) 28 ஆண்டுகளுக்கு முன்பு படைத்த சாதனையை சமன் செய்கிறது; இதன் மூலம் இவர்கள் இருவரும் இப்போட்டியின் வரலாற்றில் மலேசியாவின் மிகச்சிறந்த செயல்திறன் கொண்ட போட்டியாளர்களாகத் திகழ்கின்றனர்.
நேற்று இரவு நடைபெற்ற விழாவில், டொமினிக்கன் குடியரசின் ஜோஹெய்ரி மோலா டொமிங்குவெஸ் ‘மிஸ் வேர்ல்ட் 2026’ ஆகத் தேர்ந்தெடுக்கப்பட்டார்; ஸ்பெயினின் எலிசபெத் ரெய்ன்ஸ் அலபெர்ன் இரண்டாம் இடத்தைப் பிடித்தார்.
உலகெங்கிலும் இருந்து பங்கேற்ற 110 போட்டியாளர்களைப் பின்னுக்குத் தள்ளி, ஏறக்குறைய ஒரு மாதம் நடைபெற்ற இப்போட்டி முழுவதும் சிறப்பான மற்றும் சீரான திறனை வெளிப்படுத்திய 26 வயதான தானுசியா, முதல் மூன்று இடங்களுக்குள் ஒருவராகத் திகழ்ந்தார்.
தானுசியா மற்றும் தியோவைத் தவிர, மிஸ் வேர்ல்ட் போட்டியில் குறிப்பிடத்தக்க முடிவுகளைப் பதிவு செய்த பிற மலேசியப் பிரதிநிதிகளில், 1994-இல் முதல் 10 இடங்களுக்குள் முன்னேறிய ரஹிமா ஆர்சியன்ட் யாயா (Rahimah Orchient Yayah) மற்றும் 2007-இல் முதல் 16 இடங்களுக்குள் இடம்பெற்ற டெபோரா ஹென்றி (Deborah Henry) ஆகியோர் அடங்குவ.பியூட்டி வித் எ பர்பஸ்’ (Beauty With A Purpose – BWAP) பிரிவில் வெற்றி பெற்றதன் மூலம், ‘தானு’ (Taanu) என்று பரவலாக அறியப்படும் தானுசியா முதல் ஆறு இடங்களுக்கான சுற்றுக்குத் தகுதி பெற்றார். –
போட்டி முழுவதும், தனது தன்னம்பிக்கை, ஆளுமை மற்றும் பல்வேறு சுற்றுகளில் வெளிப்படுத்திய சிறப்பான திறன்கள் ஆகியவற்றின் மூலம் தானுசியா நடுவர்களைக் கவர்ந்தார். ஆகஸ்ட் 23 அன்று நடைபெற்ற மிஸ் வேர்ல்ட் 2026 நேருக்கு நேர் சவாலின் போது, அவர் ஆங்கிலம், மலாய், மாண்டரின் மற்றும் தமிழ் ஆகிய நான்கு மொழிகளில் பேசிய காணொளி வைரலானதைத் தொடர்ந்து, அவர் பொதுமக்களின் கவனத்தையும் ஈர்த்தார். – பெர்னாமா
