அவசர பழுதுபார்ப்பு பணிகளுக்காக லுசோனின் சுபிக் விரிகுடாவிற்குள் (Subic Bay) வந்த ஒரு படகிலிருந்து, 366.65 மில்லியன் பெசோக்கள் (சுமார் 23.6 மில்லியன் மலேசிய ரிங்கிட்) மதிப்புள்ள 222.24 கிலோ உயர்தர கஞ்சாவை பிலிப்பைன்ஸ் அதிகாரிகள் பறிமுதல் செய்துள்ளதாக ‘ஹரியன் மெட்ரோ’ (Harian Metro) செய்தி வெளியிட்டுள்ளது.
தாய்லாந்து மற்றும் மலேசியாவைச் சேர்ந்த நான்கு பேர் கொண்ட குழுவினர் பயணித்த அந்தப் படகு, சபா மாநிலத்தின் கோத்தா கினபாலுவிலிருந்து தைவானுக்குச் சென்று கொண்டிருந்தபோது கடலில் இயந்திரக் கோளாறைச் சந்தித்தது. உதவி கோரும் சமிக்ஞையை (distress call) விடுத்ததைத் தொடர்ந்து, ஆகஸ்ட் 28 அன்று அது சுபிக் விரிகுடா படகு மன்றத்திற்கு (Subic Bay Yacht Club) கொண்டு வரப்பட்டது.
பின்னர், படகின் இயந்திர அறைப் பகுதியில் மறைத்து வைக்கப்பட்டிருந்த, சட்டவிரோதப் பொருட்கள் இருக்கலாம் என சந்தேகிக்கப்படும் பிளாஸ்டிக் பைகளை பழுதுபார்க்கும் பணியாளர்கள் கண்டறிந்து மன்ற நிர்வாகத்திடம் தெரிவித்தனர்.
செப்டம்பர் 6 அன்று நடத்தப்பட்ட ஆரம்பகட்ட கூட்டு சோதனையில் 98.33 கிலோ கஞ்சா கைப்பற்றப்பட்டது; அதைத் தொடர்ந்து சனிக்கிழமையன்று கப்பலின் கட்டமைப்புகளைப் பிரித்து நடத்தப்பட்ட விரிவான சோதனையில், 109 பொட்டலங்களில் இருந்த மேலும் 123.91 கிலோ கஞ்சா கண்டெடுக்கப்பட்டது.
; சுங்கத்துறை அதிகாரிகள் உள்ளூர் மற்றும் சர்வதேச போதைப்பொருள் கடத்தல் கும்பல்களுடனான சாத்தியமான தொடர்புகள் குறித்து விசாரணை நடத்தி வருகின்றனர்
