தாமான் கெராமாட்டில் நடத்தப்பட்ட நடவடிக்கையில் எட்டு காவல்துறை அதிகாரிகள் மற்றும் ஒர நபர் கைது.

கடந்த செவ்வாய்யன்று இங்குள்ள தாமான் கெராமாட் (Taman Keramat) பகுதியில் நடத்தப்பட்ட சோதனையின் போது, ​​’கெட்டம்’ (ketum) நீர் தொடர்பான நடவடிக்கைகளில் ஈடுபட்டதாகக் சந்தேகிக்கப்படும் ஒன்பது பேர் கைது செய்யப்பட்டனர்; இவர்களில் எட்டு பேர் காவல்துறை அதிகாரிகள் ஆவர்.

புக்கிட் அமான் நேர்மை மற்றும் தரநிலைகள் இணக்கத் துறையின் (JIPS) இயக்குனர் ஐடா அப்துல் ஹமீத், தனது துறை இந்த வழக்கை உன்னிப்பாகக் கண்காணித்து வருவதாகவும், அம்பாங் ஜெயா காவல்துறை தலைமையகத்தால் வெளிப்படையான விசாரணை நடத்தப் பட்டு வருவதாகவும் தெரிவித்தார்.

“, தாமான் கெராமாட்டில் நடத்தப்பட்ட நடவடிக்கையில் எட்டு காவல்துறை அதிகாரிகள் மற்றும் ஒரு பொதுநபர் கைது செய்யப்பட்டதை புக்கிட் அமான் JIPS உறுதிப்படுத்துகிறது,” என்று அவர் தொடர்பு கொள்ளப்பட்டபோது கூறினார்.

தகவல் அறிந்த வட்டாரங்களின்படி, புக்கிட் அமான் JIPS-இன் உளவு மற்றும் செயல்பாட்டுப் பிரிவு மற்றும் அம்பாங் ஜெயா போதைப்பொருள் குற்றப் புலனாய்வுப் பிரிவு ஆகியவற்றால், செவ்வாய் இரவு 8.45 மணிக்கு தாமான் கெராமாட், ஜலான் AU1 பகுதியில் இந்தச் சோதனை நடத்தப்பட்டது.

“கைது செய்யப்பட்ட எட்டு அதிகாரிகளில் ஏழு பேர் செந்தூல் காவல்துறை தலைமையகத்தின் கீழ் உள்ள பல்வேறு பிரிவுகளைச் சேர்ந்தவர்கள்; மற்றொருவர் பிரிக்பீல்ட்ஸ் காவல்துறை தலைமையகத்தைச் சேர்ந்தவர். ஒரு பொதுநபரும் கைது செய்யப்பட்டார்,” என்று அந்த வட்டாரம் தெரிவித்தது.

சந்தேக நபர்கள் அனைவரும் உலு கெலாங் (Hulu Kelang) காவல் நிலையக் காவலில் வைக்கப்பட்டுள்ளதாகவும், 1952-ஆம் ஆண்டின் நச்சுப் பொருட்கள் சட்டத்தின் (Poisons Act 1952) பிரிவு 30(3)-ன் கீழ் (இது மனநலத்தைப் பாதிக்கும் பொருட்களை அங்கீகாரம் இன்றி கையாளுதல், வைத்திருத்தல் அல்லது பயன்படுத்துவதைத் தடை செய்கிறது) இந்த வழக்கு விசாரிக்கப் பட்டு வருவதாகவும் அந்த வட்டாரம் மேலும் கூறியது