கோலாலம்பூர் ரயில் நிலையம் மற்றும் கெரெத்தாபி தானா மலாயு பெர்ஹாட் (KTMB) தலைமையகத்தைப் பாதுகாத்து மீட்டெடுப்பதற்கான அரசாங்கத்தின் நடவடிக்கை, இந்த தேசிய பாரம்பரியச் சொத்துக்கள் வெளிநாட்டு வாங்குபவர் களுக்கு விற்கப்படுகின்றன என்ற கூற்றுகளை நிரந்தரமாக முறியடிக்கும் என்று போக்குவரத்து அமைச்சர் அந்தோனி லோக் கூறினார்.
கஜானா நேஷனல் என்ற இறை யாண்மை செல்வ நிதியம் மற்றும் ரயில்வே சொத்துக்கள் கழகம் (RAC) ஆகியவற்றால் முன்னெடுக்கப்படும் இந்தப் பாதுகாப்பு கூட்டாண்மை, இந்த இரண்டு சின்னமான கட்டமைப்புகளின் கட்டடக்கலை ஒருமைப்பாட்டைப் பாதுகாப்பதோடு, அவற்றை சுற்றுலாப் பயணிகள் மற்றும் பயணிகளுக்கான துடிப்பான கலாச்சார அடையாளங்களாக மாற்றும் என்று லோக் உறுதிப்படுத்தி னார்.
“இந்த அறிவிப்பின் மூலம், போக்கு வரத்து அமைச்சு கேடிஎம்பி கட்டிடத்தை விற்க உத்தேசித்துள்ளது என்ற குற்றச்சாட்டுகளுக்கும் அவதூறு களுக்கும் முற்றுப்புள்ளி வைப்பேன் என்று நம்புகிறேன்,” என்று இங்குள்ள போக்குவரத்து அமைச்சகத் தலைமையகத்தில் நடந்த செய்தியாளர் சந்திப்பில் அவர் கூறினார்.
கேடிஎம்பி தலைமையகத்தைத் தனியார்மயமாக்க அல்லது ஒரு சீன நிறுவனத்திற்கு விற்கத் திட்ட மிட்டுள்ளதாக சமூக ஊடகங்களில் பரவி வரும் யூகங்களை லோக் நிராகரித்தார். நூற்றாண்டு பழமையான இந்தக் கட்டிடம் முழுமையாக அரசாங்கத்திற்குச் சொந்தமானது என்றும், மலேசியர் களுக்கு இது மகத்தான வரலாற்று மற்றும் உணர்வுப்பூர்வமான முக்கியத்துவத்தைக் கொண்டுள்ளது என்றும் அவர் கூறினார்.
கோலாலம்பூரின் மையப்பகுதியில் உள்ள சுல்தான் அப்துல் சமத் கட்டிடத்தில் தற்போது நடைபெற்று வரும் புனரமைப்பில் வெளிப்படுத்தப்பட்டுள்ள கஜானாவின் வெற்றிகரமான நகர்ப்புற மறுசீரமைப்பு மற்றும் தகவமைப்பு மறுபயன்பாட்டு மாதிரியை இந்தத் திட்டம் பிரதிபலிக்கும் என்று அவர் விளக்கினார்.
