நோன்பு பண்டிகை கொண்டாட்டங் களுடன் இணைந்து மார்ச் 17 முதல் 29 வரை 26 கூடுதல் ரயில் சேவைகளை கெரெட்டாபி தனா மெலாயு பெர்ஹாட் அறிவித்துள்ளது. தங்கள் சொந்த ஊர்களுக்குத் திரும்பும் பயணிகளின் அதிக தேவையைப் பூர்த்தி செய்வதற்காக இது நடத்தப்படுகிறது.
இந்தக் காலகட்டத்திற்கான டிக்கெட்டுகள் கிட்டத்தட்ட விற்றுத் தீர்ந்ததைத் தொடர்ந்து, 18 மின்சார ரயில் சேவைகள் (ETS) மற்றும் எட்டு EMUPlus சேவைகள் இயங்கும் என்றும், கூடுதலாக 10 ETS பயணங்கள் விற்பனைக்கு வந்துவிட்டன என்றும், மீதமுள்ள 16 பயணங்கள் விரைவில் அறிவிக்கப்படும் என்றும் ரயில்வே தெரிவித்துள்ளது.
பண்டிகை கால பயணிகளின் எண்ணிக்கை அதிகரிப்பை ஈடுசெய்ய மொத்தம் 105,534 கூடுதல் இருக்கைகள் கிடைக்கும். கூடுதல் ETS சேவைகளில் JB Sentral-KL Sentral-JB Sentral பாதையில் எட்டு பயணங்கள், Ipoh-KL Sentral-Ipoh பாதையில் ஆறு பயணங்கள் மற்றும் Butterworth-KL Sentral-Butterworth மற்றும் Padang Besar-KL Sentral-Padang Besar வழித்தடங்களுக்கு தலா இரண்டு பயணங்கள் அடங்கும் என்று தெரிவித்துள்ளது.
