ஜனவரி 31 ஆம் தேதி நிலவரப்படி, கணக்காளர் ஜெனரல் துறை RM13 பில்லியனுக்கும் அதிகமான உரிமை கோரப்படாத பணத்தைப் பதிவு செய்துள்ளது.
இந்தத் தொகையில், உரிமை கோரப்படாத அறக்கட்டளைக் கணக்கில் RM7 பில்லியன் இருப்பதாக கணக்காளர் ஜெனரல் டத்தோ ஜைனானி ஜூசோ கூறினார். 10 ஆண்டுகளுக்கும் மேலாக உரிமை யாளர்கள் அல்லது வாரிசுகளால் உரிமை கோரப்படாமல் இருந்ததால், மீதமுள்ள தொகை ஒருங்கிணைந்த வருவாய் கணக்கில் சரிசெய்யப்பட்டுள்ளது.
இருப்பினும், ஒருங்கிணைந்த வருவாய் கணக்கிற்கு ஏற்கனவே மாற்றப்பட்ட நிதிகளுக்கான விண்ணப்பங்கள் செய்யப்பட்டால், வருவாய் பணத்தைத் திரும்பப்பெறும் ஒதுக்கீடு மூலம் திருப்பிச் செலுத்துதல் களைச் செயல்படுத்த முடியும்,” என்று அவர் கூறினார்.
இன்று இங்கு ஒரு செய்தியாளர் கூட்டத்தில் பேசிய ஜைனானி, உரிமையாளர்களின் சார்பாக நிதியைப் பெறுவதற்கு முகவர்கள் அல்லது மூன்றாம் தரப்பு பிரதிநிதிகளை துறை ஒருபோதும் நியமிக்கவில்லை என்பதை பொதுமக்களுக்கு நினைவூட்டினார்.
அனைத்து உரிமை கோருபவர்களும் தங்கள் விண்ணப்பங்களை நேரில், ஆன்லைனில் அல்லது கணக்காளர் ஜெனரல் அலுவலகம் அல்லது மாநிலக் கிளையில் உள்ள எங்கள் கவுண்டர் களுக்குச் சென்று கையாள வேண்டும் என்று அவர் மேலும் கூறினார்.
