ஊழல் போன்ற முறைகேடு வழக்குகளில் ஈடுபட்டுள்ள நாடாளுமன்ற உறுப்பினர் கள் உட்பட எந்தவொரு உறுப்பினரையும் பிகேஆர் பாதுகாக்காது. பிரதமர் டத்தோ ஸ்ரீ அன்வார் இப்ராஹிம் அடிக்கடி முழங்கும் முழக்கத்திற்கு இது இணங்குகிறது என்று அதன் தகவல் பிரிவுத் தலைவர் டத்தோ பஹ்மி ஃபட்சில் கூறினார்.
இதைத் தொடர்ந்து, 10 மில்லியன் ரிங்கிட் மதிப்புள்ள நிதியை கையாடல் செய்த விவகாரத்தில் ஒரு கட்சி உறுப்பினருக்குத் தொடர்பு இருப்பதாகக் கூறப்படுவதை அடுத்து, அதிகாரிகளுடன் ஒத்துழைக்க பிகேஆர் தயாராக உள்ளது என்று அவர் கூறினார்.
“சம்பந்தப்பட்ட நபரின் அறிக்கைகள் மற்றும் குற்றச்சாட்டுகளைக் கொண்ட செய்தி அறிக்கை குறித்து தலைமைக்கு இதுவரை தெரிவிக்கப்பட்டுள்ளது. “எனவே, ஏதேனும் தவறு நடந்திருந்தால், மேலதிக விசாரணைகளை நடத்துவதை நாங்கள் முழுமையாக அதிகாரிகளிடமே விட்டுவிடுகிறோம்.
“மறைப்பதற்கு எங்களிடம் எதுவும் இல்லை, மேலும் பிகேஆர் அமலாக்க அதிகாரிகளுடன் ஒத்துழைக்கும்,” என்று அவர் கோலாலம்பூர் காவல்துறை பயிற்சி மையத்தில் (PULAPOL) நடைபெற்ற 219வது காவலர் தினத்தை முன்னிட்டு நடந்த செய்தியாளர் சந்திப்பில் கூறினார்.
கட்சியின் அடுத்தகட்ட நடவடிக்கை குறித்து பஹ்மி கூறுகையில், எந்தவொரு விசாரணையும், புகார்தாரர் மலேசிய அரச காவல்துறை (PDRM) அல்லது மலேசிய ஊழல் தடுப்பு ஆணையம் (MACC) போன்ற அமலாக்க அமைப்புகளிடம் அதிகாரப்பூர்வ புகார் அளிப்பதில் இருந்தே தொடங்க வேண் டும் என்றார்.
“காவல்துறையிலோ அல்லது வேறு எந்த அமலாக்க அமைப்புகளிடமோ புகார் அளிப்பது புகார்தாரரின் பொறுப்பாகும். அடுத்தகட்ட நடவடிக்கை எடுப்பதற்கு முன்பு பின்பற்றப்பட வேண்டிய செயல் முறை இதுதான்,” என்று அவர் கூறினார்.
, தொழிலதிபர் விக்டர் சின் பூன் லாங், கூறப்படும் “பெருநிறுவன மாஃபியா” பிரச்சினைகளைத் தீர்ப்பதற்காக ஒரு பிகேஆர் நாடாளுமன்ற உறுப்பினர் தன்னிடம் 10 மில்லியன் ரிங்கிட் ரொக்கமாகக் கேட்டதாகக் கூறியிருந்தார்.
