கடந்த வாரம் பாடாங் பெசார் அருகே உள்ள காக்கி புக்கிட், வாங் கெலியான் பகுதியில் நடத்தப்பட்ட மூன்று சோதனைகளில், ஒரு தம்பதியினர் உட்பட ஐந்து நபர்களைக் காவல்துறை கைது செய்ததுடன், சுமார் 25.5 மில்லியன் ரிங்கிட் மதிப்புள்ள 510 கிலோகிராம் (கிலோ) மெத்தம்பெட்டமை னையும் பறிமுதல் செய்தது.
புக்கிட் அமான் போதைப்பொருள் குற்றப் புலனாய்வுத் துறை இயக்குநர் டத்தோ ஹுசைன் உமர் கான் கூறுகையில், 23 முதல் 37 வயதுக்குட்பட்ட நான்கு ஆண்கள் மற்றும் ஒரு பெண் அடங்கிய உள்ளூர் சந்தேக நபர்கள், கடந்த சில ஆண்டுகளாகச் செயல்பட்டு வரும் ஒரு போதைப்பொருள் கடத்தல் கும்பலின் உறுப்பினர்களாக இருக்கலாம் என நம்பப்படுவதாகத் தெரிவித்தார்
பாடாங் பெசாரில் RM4.9 மில்லியன் மதிப்புள்ள 98.73 கிலோ மெத்தம் பெட்டமைனை காவல்துறை பறிமுதல் செய்தது 2025-ஆம் ஆண்டில் போதைப்பொருள் பறிமுதல் RM3.19 பில்லியனை எட்டியது, இது எட்டு மடங்கு அதிகரிப்பாகும் மார்ச் 24 அன்று வாங் கெலியானில் நடந்த முதல் சோதனையின் போது, இரண்டு கார்களில் பயணித்த தம்பதியினர் மற்றும் ஒரு ஆண் சந்தேக நபர் ஆகியோர் பிரதான சாலையைச் சுற்றி கைது செய்யப்பட்டதாக ஹுசைன் கூறினார்.
ஒரு ஆண் சந்தேக நபர் ஓட்டி வந்த காரை மேலும் சோதனையிட்டதில், 500 பிளாஸ்டிக் பொட்டலங்கள் கொண்ட 20 மூட்டை மெத்தம்பெட்டமைனை காவல்துறை பறிமுதல் செய்தது,” என்று அவர் இன்று இங்குள்ள பெர்லிஸ் காவல்துறை தலைமையகத்தில் (IPK) நடந்த செய்தியாளர் சந்திப்பில் கூறினார். மூன்று நபர்களின் கைது, மார்ச் 27 மற்றும் 28 ஆகிய தேதிகளில் வாங் கெலியான் பகுதியில் மேலும் இரண்டு ஆண் சந்தேக நபர்கள் கைது செய்யப்படுவதற்கு வழிவகுத்தது என்று ஹுசைன் கூறினார்.
“சிறுநீர் பரிசோதனைகளில், நான்கு ஆண் சந்தேக நபர்களுக்கு மெத்தம்பெட்டமைன் இருப்பது உறுதியானது. மேலும், அவர்களின் முந்தைய குற்றப் பதிவுகளைச் சரிபார்த்ததில், அவர்கள் அனைவருக்கும் போதைப்பொருள் தொடர்பான வழக்குகள் இருப்பது தெரியவந்தது,” என்று அவர் கூறினார். விசாரணை களுக்கு உதவுவதற்காக, அவர்கள் அனைவரும் மார்ச் 25 முதல் நேற்று வரை ஐந்து முதல் ஏழு நாட்கள் வரை நீதிமன்றக் காவலில் வைக்கப்பட்டதாக அவர் கூறினார்.
அந்தக் கும்பல் குழுவைப் பொறுத்தவரை, அது காவல்துறையின் கண்காணிப்பில் உள்ள போதைப் பொருள் கடத்தல் கும்பல்களில் ஒன்றாகும் என்றும், மாநிலத்தின் எல்லைப் பாதைகள் வழியாக போதைப்பொருட்களைக் கடத்துவதில் அவர்கள் நிபுணத்துவம் பெற்றவர்கள் என்று நம்பப்படுவதாகவும் ஹுசைன் கூறினார்
