பாதுகாப்பு ஊழியர் மரணம் சந்தேகத்துக்குரிய நபர் கைது

கிள்ளானில் உள்ள பண்டார் புக்கிட் ராஜா பகுதியில், இன்று அதிகாலை கார் ஸ்டீயரிங் பூட்டைப் பயன்படுத்தி ஒரு பாதுகாப்பு ஊழியரின் மரணத்திற்குக் காரணமானதாக சந்தேகிக்கப்படும் நபரை போலீசார் கைது செய்துள்ளனர். குடியிருப்புப் பகுதியில் உள்ள ஒரு பாதுகாப்புச் சாவடியில் பாதிக்கப்பட்டவர் பணியில் இருந்தபோது, ​​அதிகாலை சுமார் 1 மணியளவில் இந்தச் சம்பவம் நடந்திருக்கலாம் என நம்பப்படுவதாக கிள்ளான் வடக்கு காவல் துறைத் தலைவர் எஸ். விஜய ராவ் கூறியதாக செய்தி வெளியயானது

தனது நண்பர்களுடன் மது அருந்திக் கொண்டிருந்த, 40 வயதுகளில் உள்ள உள்ளூர் சந்தேக நபருக்கும் பாதிக்கப் பட்டவருக்கும் இடையே தகராறு ஏற்பட்டதாக அவர் கூறினார். “40 வயதான பாதிக்கப்பட்டவர், மழுங்கிய பொருளால் தாக்கப்பட்டதில் காயமடைந் தார். அவர் உடனடியாக ஷா ஆலம் மருத்துவமனைக்கு கொண்டு செல்லப் பட்டார், ஆனால் அதிகாலை 4.18 மணிக்கு அவர் இறந்துவிட்டதாக அறிவிக்கப்பட்டது.”

சந்தேக நபரை ஒரு காவல் குழு கண்டுபிடித்து கைது செய்ததாக ராவ் கூறினார். தாக்குதலில் பயன்படுத்தப் பட்டதாக நம்பப்படும் கார் ஸ்டீயரிங் பூட்டையும் அவர்கள் பறிமுதல் செய்தனர்.