ஐந்து ஆண்டுகள் என்ற அதிகபட்ச ஒப்பந்தக் காலத்தை எட்டியுள்ளதால், பணியிலிருந்து விலகுவதாகக் கூறப்படும் மருந்தகர்களுக்கு ஒப்பந்த நீட்டிப்புகள் எதுவும் வழங்கப்படாது என சுகாதார அமைச்சு (MOH) தெளிவுபடுத்தி யுள்ளது.
ஏப்ரல் 2 அன்று வெளியான “சனிக்கிழமை வேலை முடிவதால் 45 ஒப்பந்த மருந்தகர்கள் நிச்சயமற்ற நிலையில் உள்ளனர்” என்ற தலைப்பிலான ஊடக அறிக்கையில் எழுப்பப்பட்ட கவலைகளைக் கவனத்தில் கொண்டுள்ளதாக அமைச்சு தெரிவித்து உள்ளது.
டிசம்பர் 1, 2024 அன்று நடைமுறைக்கு வந்த பொதுச் சேவை ஊதிய முறை (SSPA) அமலாக்கத்திற்கு இணங்க, பாதிக்கப்பட்ட அதிகாரிகள் 2027 ஆம் ஆண்டின் இறுதியில் நிரந்தரப் பணியிடங்கள் திறக்கப்படும்போது, முன்னர் UF43 என அறியப்பட்ட UF10 என்ற புதிய நுழைவுத் தரத்தின் கீழ் மீண்டும் விண்ணப்பிக்கலாம் என்று இன்று வெளியிடப்பட்ட ஓர் அறிக்கையில் சுகாதார அமைச்சு கூறியுள்ளது.
