vஷகாட் நிதியை முறைகேடாகப் பயன்படுத்தியதாகக் கூறப்படும் குற்றச்சாட்டு தொடர்பாக, ஒரு அரசு சாரா அமைப்பின் (NGO) துணைத் தலைவர் உட்பட மூன்று நபர்களை மலேசிய ஊழல் தடுப்பு ஆணையம் (MACC) கைது செய்துள்ளது.
‘இந்த கைது நடவடிக்கைகளை மலேசிய ஊழல் தடுப்பு ஆணையத்தின் சிலாங்கூர் கிளை நேற்று மேற்கொண்டது. 50 மற்றும் 60 வயது களில் உள்ள இரண்டு ஆண்கள், பிற்பகல் 3 மணி முதல் 5 மணி வரை கிளாங் பள்ளத்தாக்கில் நடத்தப்பட்ட ஒரு நடவடிக்கையின்போது கைது செய்யப் பட்டனர். அதே சமயம், 50 வயதுகளில் உள்ள மூன்றாவது சந்தேக நபர், சிலாங்கூர் மலேசிய ஊழல் தடுப்பு ஆணைய அலுவலகத்தில் தனது வாக்குமூலத்தை அளிக்க வந்தபோது, அதிகாலை 2 மணியளவில் முன்னதாகக் கைது செய்யப்பட்டார்.
இந்த மூவரில் இருவர் நிறுவன இயக்குநர்கள் ஆவர். இவர்கள் 2018 முதல் 2024 வரையிலான ஆறு ஆண்டு காலப்பகுதியில் இந்தக் குற்றத்தைச் செய்ய சதித்திட்டம் தீட்டியதாக நம்பப்படுவதாக தகவல்கள் தெரிவிக்கின்றன. அந்த அரசு சாரா அமைப்பின் துணைத் தலைவர், முதலீட்டு நோக்கங்களுக்காகவும் தனிப்பட்ட பயன்பாட்டிற்காகவும் 230 மில்லியன் ரிங்கிட்டை தனது நிறுவனத்தின் கணக்கிற்கு மாற்றியதாக விசாரணையில் தெரியவந்துள்ளது. தேவையுள்ளவர்களுக்கு உதவுவதற்காக சம்பந்தப்பட்ட அரசு சாரா அமைப்பு பொதுமக்களிடமிருந்து நன்கொடை களைச் சேகரிப்பதால், பொது நிதியைத் தவறாகப் பயன்படுத்தியதை மையமாகக் கொண்டு இந்த விசாரணை நடத்தப் படுவதாகத் தெரிகிறது.
இந்த நடவடிக்கையின் போது, அதிகாரிகள் சுமார் RM11 மில்லியன் மதிப்புள்ள 18 சொகுசு வாகனங்கள், வீடுகள் மற்றும் சொத்துக்களையும், அத்துடன் ரொக்கம் மற்றும் பிராண்டட் கைக்கடிகாரங்களையும் பறிமுதல் செய்தனர். மேலும், சுமார் RM120 மில்லியன் கொண்ட 33 வங்கிக் கணக்குகளும் முடக்கப்பட்டுள்ளன.
சிலாங்கூர் ஊழல் தடுப்பு ஆணையத்தின் (MACC) இயக்குநர் முகமது அஸ்வான் ராம்லி இந்தக் கைதுகளை உறுதிப்படுத்தினார். மேலும், இந்த வழக்கு ஊழல் தடுப்பு ஆணையம் சட்டம் 2009-இன் கீழ் விசாரிக்கப்பட்டு வருவதாகவும் அவர் தெரிவித்தார். அனைத்து சந்தேக நபர்களும் இன்று ஷா ஆலாம் நீதித்துறை நடுவர் நீதிமன்றத்தில் நீதிமன்றக் காவல் மனுவுக்காக ஆஜர்படுத்தப்படுவார்கள் என்றும் அவர் கூறினா
