சிரம்பான் 2-ல் ஒரு தம்பதியினர் மீது மிளகுத் தெளிப்பான் போன்ற திரவத்தைத் தெளித்ததாகக் கூறப்படும் 50 வயது நபர், ஆறு மணி நேரத்திற்குள் கைது செய்யப்பட்டுள்ளார்.
கோஸ்மோ! ஆன்லைன் தகவலின்படி, சிரம்பான் மாவட்ட காவல்துறைத் தலைவர் உதவி ஆணையர் முகமது யாதிம் உஸ்மான், 49 வயது பெண் பாதிக்கப்பட்டவரின் புகாரைத் தொடர்ந்து, சந்தேக நபர் இரவு சுமார் 11.45 மணியளவில் செரம்பானில் உள்ள அவரது வீட்டிற்கு முன்பாகக் கைது செய்யப்பட்டதாகக் கூறினார்.
பாதிக்கப்பட்ட பெண்ணும் அவரது கணவரும் பெரோடுவா பெஸ்ஸா காரில் பயணித்தபோது, ஒரு ஹோண்டா அக்கார்டு கார் அவர்களைப் பின்தொடர்வதைக் கவனித்ததாகவும், மாலை சுமார் 6 மணியளவில் இந்தச் சம்பவம் நடந்ததாகவும் அவர் கூறினார்.
பின்னர், சந்தேக நபரின் வாகனம் அவர்களை முந்திச் சென்று அவர்களின் பாதையை மறித்ததாகவும், அதன்பின் ஓட்டுநர் காரிலிருந்து இறங்கி அந்தத் தம்பதியினரை ஆத்திரமூட்ட முயன்றதாகவும் கூறப்படுகிறது.
அதன்பின், சந்தேக நபர் தனது வாகனத்தின் பின்புறத்திலிருந்து ஒரு பொருளை எடுத்து, பாதிக்கப்பட்டவர்கள் இருவர் மீதும் அந்தத் திரவத்தைத் தெளித்ததாகவும், இதனால் அவர்களுக்குக் கண் எரிச்சலும் அசௌகரியமும் ஏற்பட்டதாகவும் முகமது யாதிம் கூறினார்.
இந்தச் சம்பவத்தில் பயன்படுத்தப் பட்டதாக நம்பப்படும், “காவல்துறை” என்ற வார்த்தை பொறிக்கப்பட்டிருந்த ஒரு கருப்பு மிளகுத் தெளிப்பான் குப்பியையும் காவல்துறை கைப்பற்றி யது.
மேலும் அவர் கூறுகையில், சந்தேக நபருக்கு இதற்கு முன்னர் மூன்று போதைப்பொருள் தொடர்பான குற்றங்கள் இருந்ததற்கான சோதனைகள் தெரியவந்ததாகவும், இருப்பினும் சிறுநீர் பரிசோதனையின் முடிவு எதிர்மறையாக வந்ததாகவும் தெரிவித்தார்.
