சிகாமட் மருத்துவமனை ஜூலை 1 முதல் தனது செயல்பாடுகளை நிறுத்திக் கொள்ளும் என்று சமூக ஊடகங்களில் பரவி வரும் வதந்திகளை ஜொகூர் சுகாதாரத் துறை பொய்யென நிராகரித்துள்ளது.
ஜொகூர் சுகாதார இயக்குநர் டாக்டர் மொஹ்தார் புங்குட்@அஹ்மட் மருத்துவமனை முழுமையாகச் செயல்பட்டு வருவதாகவும், கூறப்படுவது போல் மருத்துவமனையை மூடுவதற்கு எந்தத் திட்டமும் இல்லை என்றும் கூறினார்.
உலகளாவிய சுகாதாரத் தீர்மானங் களை தேசியத் தீர்மானங்களாக மாற்றுதல்…மருத்துவமனையில் மகப்பேறு மற்றும் மகளிர் மருத்துவ (O&G) நோயாளிகளுக்கான பரிந்துரைகளை ஒத்திவைப்பது தொடர்பான கடிதம் ஒன்று இணையத்தில் பரவலாகப் பகிரப்பட்டதையும் துறை கவனத்தில் எடுத்துக்கொண்டதாக அவர் கூறினார்.
டாக்டர் மொஹ்தாரின் கூற்றுப்படி, பொதுமக்களுக்குத் திறமையான மற்றும் தரமான சுகாதார சேவைகள் தொடர்ந்து வழங்கப்படுவதை உறுதி செய்வதற்காக, சிகாமட் மருத்துவமனையின் மகப்பேறு மற்றும் மகளிர் மருத்துவத் துறையில் சேவை ஏற்பாடுகளைத் துறை தற்போது ஆய்வு செய்து இறுதி செய்து வருகிறது.
“இது தொடர்பான தற்போதைய நிலை மற்றும் மேலதிகத் திட்டங்கள் விரைவில் அறிவிக்கப்படும்,” என்று அவர் வியாழக்கிழமை (ஜூன் 4) அன்று வெளியிட்ட அறிக்கையில் தெரிவித்தார்.
மருத்துவமனை செயல்பாடுகளையோ அல்லது நோயாளி பராமரிப்பையோ பாதிக்காத வகையில், எந்தவொரு சேவை மறுசீரமைப்பு மற்றும் மனிதவள மேம்பாட்டு நடவடிக்கைகளும் ஒரு முறையான மற்றும் நன்கு திட்டமிடப்பட்ட வழியில் செயல்படுத்தப்படுவதை உறுதி செய்வதில் துறை உறுதியாக உள்ளது என்று அவர் கூறினார்.
