மலேசியர் பெயர்களில் பதிவுசெய்யப் பட்ட வணிக உரிமங்களைத் தவறாகப் பயன்படுத்தி, பல்வகை கடைகளை நடத்தி வருவதாக நம்பப்படும் வெளி நாட்டினரை குடிவரவுத் துறை கண் காணித்து வருகிறது.
சிலாங்கூர், சிப்பாங்கில் நடத்தப்பட்ட தொடர் சோதனைகளைத் தொடர்ந்து, சந்தேகிக்கப்படும் இந்தச் செயல்பாட்டு முறை தொடர்பாக 13 வெளிநாட்டினர் தடுத்து வைக்கப்பட்டதாக அதன் தலைமை இயக்குநர் டத்தோ ஜகாரியா ஷாபான் கூறினார்.
“பெரும்பாலான வணிகங்கள் மலேசியக் குடிமக்களின் பெயரில் பதிவுசெய்யப் பட்ட உரிமங்களைப் பயன்படுத்தி வந்ததாகவும், அதே சமயம் அவற்றின் செயல்பாடுகள் முழுவதுமாக வெளி நாட்டினரால் நிர்வகிக்கப்பட்டதாகவும் நம்பப்படுகிறது,” என்று அவர் நேற்று வெளியிட்ட அறிக்கையில் தெரிவித்தார்.
சில வளாகங்களில், குறிப்பாக பங்களாதேஷ் நாட்டினருக்காக, வெளிநாட்டு வாடிக்கையாளர்களுக்கு ஏற்ற பொருட்கள் மற்றும் சரக்குகள் விற்பனை செய்யப்பட்டதும் கண்டறியப் பட்டதாக ஜகாரியா கூறினார்.
மேலும், அந்த வளாகங்கள் வெளிநாட்டி னருக்குச் சொந்தமானதாக சந்தேகிக்கப் படும் வங்கிக் கணக்குகளுடன் இணைக்கப்பட்ட கியூஆர்-குறியீடு (QR-code) மூலம் பணம் செலுத்தும் வசதிகளையும் வழங்கியதாக அவர் கூறினார்.
செவ்வாய்க்கிழமை காலை 10.20 மணிக்குத் தொடங்கிய இந்தச் சோதனைகளில், மளிகைக் கடைகள் மற்றும் மினி-மார்க்கெட்டுகளாகச் செயல்பட்டு வந்த மொத்தம் ஆறு வளாகங்கள் ஆய்வு செய்யப்பட்டன.
இந்த நடவடிக்கையின் விளைவாக, எட்டு இந்தோனேசிய ஆண்கள், இரண்டு இந்தோனேசியப் பெண்கள் மற்றும் மூன்று பங்களாதேஷ் ஆண்கள் உட்பட 13 வெளிநாட்டுப் பிரஜைகள் தடுத்து வைக்கப்பட்டனர். உலகக் கோப்பையின் போது ஓய்வெடு க்க ‘கூடுதல் நேரம்’ பெறுங்கள்
அவர்கள் அந்த வளாகத்தில் பணிபுரி வதன் மூலம் வணிக நடவடிக்கைகளை மேற்கொண்டதாகவும், தங்களின் சமூக வருகை அனுமதிச் சீட்டுகளைத் தவறாகப் பயன் படுத்தியதாகவும் சந்தேகிக்கப்படு கிறார்கள்.
