பிரபலமான காவல் துறை சார்ந்த நாடகமான ‘ஜெராக் காஸ் 2.0’-இல் (Gerak Khas 2.0) நடித்த நடிகை திஷா ஷம்சிர், கடந்த செவ்வாய்க்கிழமை (ஜூலை 7) மூன்று வகையான போதைப் பொருட்களைத் தானே உட்கொண்ட தாகக் கூறப்படும் குற்றச்சாட்டை எதிர்த்து, வெள்ளிக்கிழமை (ஜூலை 10) இங்குள்ள மாஜிஸ்திரேட் நீதிமன்றத்தில் தான் குற்றமற்றவர் என்று வாதிட்டார்.
40 வயதான திஷா (இயற்பெயர் ஷனோர்பியா ஷம்சிர் ஆலம்), ஜூலை 7 அன்று காலை 7.30 மணியளவில் டங் வாங்கி (Dang Wangi) மாவட்ட காவல் தலைமையகத்தில் உள்ள போதைப் பொருள் குற்றப்புலனாய்வுப் பிரிவு அலுவலகத்தின் கழிவறையில் மெத்தாம்பேட்டமைன் (methamphetamine), ஆம்பேட்டமைன் (amphetamine) மற்றும் கெட்டமைன் (ketamine) ஆகியவற்றைத் தானே உட்கொண்டது சிறுநீர் பரி சோதனையில் கண்டறியப்பட்டதைத் தொடர்ந்து அவர் மீது இந்தக் குற்றச்சாட்டு பதிவு செய்யப்பட்டது.
1952-ஆம் ஆண்டின் அபாயகரமான போதைப்பொருள் சட்டத்தின் பிரிவு 15(1)(a)-இன் கீழ் இந்தக் குற்றச்சாட்டு பதிவு செய்யப்பட்டுள்ளது. இக்குற்றச்சாட்டில் குற்றவாளி எனத் தீர்ப்பளிக்கப்பட்டால், அதிகபட்சமாக RM5,000 அபராதம் அல்லது இரண்டு ஆண்டுகள் வரை சிறைத்தண்டனை மற்றும் இரண்டு முதல் மூன்று ஆண்டுகள் வரை கண்காணிப்புக்கு உட்படுத்தப்படுதல் ஆகிய தண்டனைகள் விதிக்கப்படலாம்.
துணை அரசு வழக்கறிஞர் நுரைன்னா மரியம் நோராஸ்மான், ஒரு ஜாமீன்தாரருடன் RM4,000 ஜாமீன் தொகையை நிர்ணயிக்கக் கோரினார். தேசிய சட்ட உதவி அறக்கட்டளையின் வழக்கறிஞர் நிக் அசார் நிக் அடிப், குறைவான ஜாமீன் தொகையை நிர்ணயிக்கக் கோரி விண்ணப்பித்தார். குற்றம் சாட்டப்பட்டவர் நிலையற்ற வருமானம் கொண்ட சுயதொழில் செய்பவர் என்பதாலும், கணவரைப் பிரிந்து வாழ்பவர் என்பதாலும், 70 வயதுக்கு மேற்பட்ட தனது பெற்றோரைப் பராமரித்து வருவதாலும் இந்தக் கோரிக்கை முன்வைக்கப்பட்டது.
ஜாமீன் என்பது குற்றம் சாட்டப்பட்டவர் நீதிமன்றத்திற்கு வருவதை உறுதி செய்வதற்காகவே வழங்கப்படுகிறது. ஏற்கனவே காவல் துறை ஜாமீனில் விடுவிக்கப்பட்டிருந்த அவர், இன்று இந்தக் குற்றச்சாட்டை எதிர்கொள்ளத் தானாகவே நீதிமன்றத்தில் ஆஜராகியுள்ளார்; எனவே அவர் தலைமறைவாகிவிடும் அபாயம் ஏதுமில்லை,” என்று வழக்கறிஞர் கூறினார்.
மாஜிஸ்திரேட் கைருனிசாக் ஹஸ்னி, ஒரு ஜாமீன்தாரருடன் RM1,000 ஜாமீன் தொகையை அவருக்கு அனுமதித்த துடன், ஆவணங்களைச் சமர்ப்பிப் பதற்கான அடுத்தகட்ட விசாரணையை அக்டோபர் 8-ஆம் தேதிக்கு ஒத்தி வைத்தார்.
முகக்கவசம் அணிந்திருந்த திஷா, மூன்று பாதுகாப்புப் பணியாளர்களின் பாதுகாப்போடு காலை 8.49 மணிக்கு கோலாலம்பூர் நீதிமன்ற வளாகத்திற்கு வந்து சேர்ந்தார்.
முன்னதாக, பிரபலமான காவல் துறை நாடகத்தில் நடித்த நடிகை ஒருவர், தலைநகரில் உள்ள பொழுதுபோக்கு மையம் ஒன்றில் நடத்தப்பட்ட சோதனையில் போதைப்பொருள் பயன்பாடு உறுதி செய்யப்பட்டதைத் தொடர்ந்து தடுத்து வைக்கப்பட்டதாக ஊடகங்கள் செய்தி வெளியிட்டிருந்தன.
