நெகிரி செம்பிலான் மாநில DAP தலைவராக நிலாய் (Nilai) தொகுதி சட்டமன்ற உறுப்பினர் ஜே. அருள் குமார் தேர்ந்தெடுக்கப்பட்டுள்ளதாக அந்தோனி லோக் (Anthony Loke) தெரிவித்தார்.
திங்கட்கிழமை (ஆகஸ்ட் 10) காலை நடைபெற்ற மாநிலக் குழு கூட்டத்தில் இந்த முடிவு ஒருமனதாக எடுக்கப் பட்டதாக DAP பொதுச் செயலாளர் கூறினார்.
“குழு உறுப்பினர்கள் தங்கள் தேர்வை அறிவிப்பதற்கு முன்பே, நடுநிலையாக இருக்க வேண்டும் என்பதற்காக நான் வாக்கெடுப்பில் பங்கேற்கப் போவதில்லை என்று கூறியிருந்தேன்.
“அருள் குமார் ஒரு சிறந்த மற்றும் நம்பகமான தலைவர் என்பதை நிரூபித்துள்ளதால், அவரை அக்குழுவினர் நியமித்ததில் நான் மகிழ்ச்சியடைகிறேன்,” என்று கூட்டத்திற்குத் தலைமை தாங்கிய பிறகு செய்தியாளர்களிடம் அவர் கூறினார்.
சென்னா (Chennah) மாநிலத் தொகுதி யைத் தக்கவைக்கத் தவறியதைத் தொடர்ந்து, அப்பதவியிலிருந்து விலகுவதாக லோக் முன்னதாக அறிவித்திருந்தார்.
அருள் குமாரின் இந்தத் தேர்வு, கட்சி அனைத்து இன மக்களுக்கும் உரியது என்பதைக் காட்டுவதாகவும் அவர் கூறினார்.
“மாநிலக் குழு உறுப்பினர்களில் பெரும்பான்மையானோர் சீன இனத் தைச் சேர்ந்தவர்களாக இருந்தபோதிலும், நாங்கள் அருள் குமாரைத் தலைவராக நியமித்துள்ளோம். எங்கள் உறுப்பினர் களில் பெரும்பான்மையானோர் சீனர்களாக இருந்தாலும், நாங்கள் ஒரு பல்லினக் கட்சி என்பதை இது காட்டுகிறது,” என்று அவர் கூறினார்.
41 வயதான அருள் குமார், DAP-யின் தேசியத் துணைத் தலைவராகவும் உள்ளார்.
1980-களின் முற்பகுதியில் அப்பதவியை வகித்த யூசோஃப் படூர் (Yusoff Badur) தான், மாநில DAP-க்குத் தலைமை தாங்கிய சீனரல்லாத கடைசி நபர் என்று லோக் குறிப்பிட்டார்.
