இந்தியாவின் சென்னை சர்வதேச விமான நிலையம் வழியாக நான்கு கிலோகிராமிற்கும் அதிகமான ஹைட்ரோபோனிக் கஞ்சாவை (hydroponic cannabis) கடத்த முயன்றதாகக் கூறப்படும் மலேசியர் ஒருவர் தடுத்து வைக்கப்பட்டார்.
இந்தியாவின் பத்திரிகை தகவல் அலுவலகம் (PIB) நேற்று வெளியிட்ட அறிக்கையில், அந்தப் பயணி ஆகஸ்ட் 7 அன்று தாய்லாந்தின் பாங்காக்கிலிருந்து வந்ததாக சென்னை சுங்கத்துறை தெரிவித்துள்ளது.
சுங்க அதிகாரிகளிடம் எந்தவித அறிவிப்பும் செய்யாமல் ‘பச்சை வழித்தடம்’ (Green Channel) வழியாக வெளியேற அந்தப் பயணி முயன்றதாக அதில் குறிப்பிடப்பட்டுள்ளது.
சந்தேகத்திற்குரிய பயணிகளை அடையாளம் காணும் நடைமுறையின் அடிப்படையில், சென்னை சுங்கத்துறை யின் விமானப் புலனாய்வுப் பிரிவு அதிகாரிகள் அவரை சோதனையிட தடுத்து நிறுத்தினர். அதைத் தொடர்ந்து, அவரது பயணப் பையை எக்ஸ்-ரே (X-ray) ஸ்கேன் செய்தபோது சந்தேகத்திற்கி டமான உருவங்கள் தென்பட்டன.
அந்தப் பொட்டலங்கள் பயணப் பையின் அடிப்பகுதியில் பிரத்யேகமாக அமைக்கப் பட்டிருந்த ஒரு மறைவான அறையில் ஒளித்து வைக்கப்பட்டிருந்தன,” என்று அந்த அறிக்கை தெரிவித்தது.
போதைப்பொருள் கண்டறியும் கருவியைப் பயன்படுத்தி, 4,033 கிராம் எடையுள்ள அந்தப் பொருள் கஞ்சா என்பதை சென்னை சுங்கத்துறை உறுதிப்படுத்தியது.
இந்தியாவின் 1985-ஆம் ஆண்டு போதைப்பொருள் மற்றும் மனோவியல் பொருட்கள் சட்டத்தின் (NDPS Act) பிரிவு 43(a)-ன் கீழ் அந்தப் போதைப்பொருட்கள் பறிமுதல் செய்யப்பட்டன. பின்னர், சந்தேக நபர் தடுத்து வைக்கப்பட்டு, மேலதிக விசாரணை க்காகக் காவலில் வைக்கப்பட்டார்.
“பொதுமக்கள், குறிப்பாக இளைஞர்கள், ஸ்பான்சர் செய்யப்படும் வெளிநாட்டுப் பயணச் சலுகைகள் மற்றும் இந்தியா திரும்பும்போது உள்ளடக்கங்கள் தெரியாத பைகளை எடுத்துச் செல்வதன் மூலம் எளிதாகப் பணம் சம்பாதிப்பதற்கான வாய்ப்புகள் ஆகியவற்றில் எச்சரிக்கையாக இருக்குமாறு அறிவுறுத்தப்படுகிறார்கள்.
