ஷா ஆலமில் உள்ள ஒரு பள்ளியில், கடந்த வாரம் ‘ஃபார்ம் 3’ (Form 3) மாணவர் ஒருவரைத் தாக்கி, அவருக்குக் கேட்கும் திறன் இழப்பு ஏற்படும் அபாயத்தை ஏற்படுத்தியதாகக் கூறப்படும் சம்பவத்தில், 17 வயது மாணவர் ஒருவர் கைது செய்யப்பட்டார்.
அந்த மாணவர் பிணையில் விடுவிக்கப்பட்டாலும், இன்னும் பல வாக்குமூலங்களைப் பதிவு செய்ய வேண்டியிருப்பதால் விசாரணை தொடர்ந்து நடைபெற்று வருவதாக சிலாங்கூர் மாநிலக் காவல் துறைத் தலைவர் ஷாசெலி கஹார் தெரிவித்ததாக ‘பெர்னாமா’ (Bernama) செய்தி வெளியிட்டுள்ளது.
“பள்ளி மாணவர்களுக்கு இடையிலான கேலி-கிண்டல் காரணமாகவே இச்சம்பவம் நிகழ்ந்ததாகக் கருதப்படுகிறது. காயங்களின் தீவிரத்தன்மை குறித்து மருத்துவ அதிகாரியின் அதிகாரப்பூர்வ அறிக்கை வரும் வரை என்னால் கருத்து எதுவும் கூற முடியாது,” என்று அவர் கூறினார்.
குற்றவியல் மிரட்டல் மற்றும் வேண்டு மென்றே காயத்தை ஏற்படுத்து தல் ஆகிய குற்றச்சாட்டுகளின் கீழ், தண்டனைச் சட்டத்தின் (Penal Code) 506 மற்றும் 323-வது பிரிவுகளின் கீழ் இச்சம்பவம் குறித்து விசாரணை நடத்தப்பட்டு வருகிறது.
கடந்த வாரம் பள்ளியில் மூத்த மாணவர் ஒருவரால் அந்த ‘ஃபார்ம் 3’ மாணவர் துன்புறுத்தப்பட்டுத் தாக்கப்பட்டதாகவும், அதில் அவருக்குக் கழுத்துப் பகுதியில் காயம் ஏற்பட்டதாகவும் கூறப்படுகிறது.
