பாரிசான் நேஷனல் கூட்டணியின் பல தலைவர்கள் மீது சமீபத்தில் சுமத்தப்பட்ட குற்றவியல் குற்றச்சாட்டுகளின் நேரம் குறித்து, முன்னாள் அம்னோ (Umno) தலைவர்களான கைரி ஜமாலுதீன் மற்றும் ஷஹ்ரில் ஹம்தான் ஆகியோர் கேள்வி எழுப்பியுள்ளனர்.
“Keluar Sekejap” (சிறிது நேரம் வெளியே) என்ற பாட்காஸ்ட் (podcast) நிகழ்ச்சியின் சமீபத்திய அத்தியாயத்தில் பேசிய கைரி, சட்டரீதியான நடைமுறைகளைத் தான் எதிர்ப்பதில்லை என்றும், எந்தவொரு முறைகேடும் விசாரிக்கப்பட்டு சட்ட நடவடிக்கை எடுக்கப்பட வேண்டும் என்றும் கூறினார்.
இருப்பினும், தே்மு மற்றும் பாகாத்தான் ஹராப்பான் இடையிலான உறவு கசப்படைந்து வரும் நிலையில், இந்தக் குற்றச்சாட்டுகள் சுமத்தப்பட்ட நேரம் குறித்த பேச்சுக்களை வெறும் வதந்தியாகவோ அல்லது முக்கியமற்றதாகவோ ஒதுக்கிவிட முடியாது என்று அவர் குறிப்பிட்டார்.
“நெகிரி செம்பிலானில் காணப்பட்ட ஒத்துழைப்பு அல்லது ஏற்பாட்டின் அடிப்படையில், வரவிருக்கும் பொதுத் தேர்தலில் பெரிக்காத்தான் நேஷனல் (Perikatan Nasional) கூட்டணியுடன் இணையக்கூடும் என்பதற்கான சமிக்ஞையையும் தேமு வெளிப்படுத்தி யுள்ளது.
“எனவே, அதற்கான எதிர்வினையாகவே – அதாவது மக்கள் அப்படித்தான் பேசுகிறார்கள் – இந்த விசாரணைகளும் குற்றச்சாட்டுகளும் முன்னெடுக்கப்பட்டு ள்ளன,” என்று முன்னாள் அம்னோ இளைஞர் பிரிவுத் தலைவர் கூறினார்.
ஆகஸ்ட் 27 அன்று, முன்னாள் பிரதமர் இஸ்மாயில் சப்ரி யாகோப், கடந்த ஆண்டு தனது சொத்து விவரங்களை அறிவிக்கத் தவறியது தொடர்பான குற்றச்சாட்டை மறுத்து விசாரணையை எதிர்கொள்ளத் தயாரானார். அதற்கு அடுத்த நாள், சுமார் நான்கு ஆண்டுகளுக்கு முன்பு மனிதவள அமைச்சராக இருந்தபோது மொத்தம் RM1.097 மில்லியன் லஞ்சம் பெற்றதாகக் கூறப்படும் குற்றச்சாட்டை ம இ கா துணைத் தலைவர் எம். சரவணன் மறுத்தார்
மேலும், ‘தாபோங் ஹாஜி’ விவகாரம் தொடர்பான விசாரணையின் ஒரு பகுதியாக, அந்த யாத்ரீகர் நிதியத்தின் முன்னாள் தலைவர் உட்பட இரண்டு அம்னோ அரசியல்வாதிகள் மலேசிய ஊழல் தடுப்பு ஆணையத்தால் (MACC) கைது செய்யப்பட்டுள்ளனர். இவ்வழக்குகளில் குறிப்பிடப்பட்டுள்ள குற்றச்சாட்டுகளில் பெரும்பாலானவை கடந்த ஆண்டில் நடந்தவை அல்ல என்பதை கைரி சுட்டிக்காட்டினார்.
