அந்த நீதிமன்றத்தின் 15 நீதிபதிகளில் ஒருவராக அவர் பணியாற்றுவார். அனைத்துலகச் சட்ட நிபுணரான ரீனா லீ சிங்கப்பூரின் சிறப்புத் தூதராகப் பணியாற்றியவர்.
அந்தப் பொறுப்புக்குத் தேர்ந்தெடுக்கப்பட்ட முதல் சிங்கப்பூரர் அவர்.அனைத்துலக நீதிமன்ற நீதிபதியாகத் தேர்ந்தெடுக்கப்பட்ட முதல் தென்கிழக்காசியப் பெண்ணும் அவர்.
57 வயது லீயின் ஒன்பதாண்டுப் பதவிக்காலம் அடுத்த வருடம் தொடங்கும்.ஐந்து இடங்களுக்குப் போட்டியிட்ட ஒன்பது வேட்பாளர்களில் ரீனா லீயும் ஒருவர். ஐக்கிய நாட்டு நிறுவனப் பொதுச் சபையில் அவர் ஆக அதிகமாக 151 வாக்குகளைப் பெற்றார்.
அனைத்துலகச் சட்டத்துறையில் ரீனா லீயின் நிபுணத்துவத்திற்குக் கிடைத்த அங்கீகாரம் அது என்று வெளியுறவு அமைச்சர் விவியன் பாலகிருஷ்ணன் கூறினார்.
ரீனா லீ தெரிவுசெய்யப்பட்டிருப்பது, அனைத்துலகச் சட்டத்தின் முக்கியத்துவத்தை வலியுறுத்துவதாகச் சட்ட அமைச்சர் எட்வின் தோங் கூறினார்.
