நாட்டைச் சுத்தமாக வைத்திருக்கவும், சுற்றுச்சூழலைப் பாதுகாக்கவும் அரசாங்கம் மேற்கொண்டு வரும் முயற்சிகளின் ஒரு பகுதியாகவே இந்த அமலாக்க நடவடிக்கைகள் எடுக்கப்பட்டுள்ளதாக, வீட்டுவசதி மற்றும் உள்ளூராட்சித்துறை அமைச்சர் ங்கா கோர் மிங் தெரிவித்தார்.
நாடாளுமன்றத்தில் ரோஸ்லான் கூலிம்-பந்தார் பாரு) எழுப்பிய கேள்விக்குப் பதிலளிக்கையில், “மலேசியர்கள் அனைவரும் சிறந்த வாழ்க்கை தரத்தை அனுபவிக்கும் வகையில், நாட்டைச் சுத்தமாக வைத்திருக்க நாம் அனைவரும் ஒன்றிணைந்து செயல்பட வேண்டும்” என்று அவர் கூறினார்.
திடக்கழிவு மேலாண்மை மற்றும் பொதுச் சுத்திகரிப்பு கழகம் கடந்த ஆண்டு 3,600 சட்டவிரோத குப்பை கொட்டும் இடங்களை மூடியுள்ளதாகவும், 1,500 டன்னுக்கும் அதிகமான குப்பைகளை அகற்றியுள்ளதாகவும் அமைச்சர் தெரிவித்தார்.
“கடந்த மூன்று ஆண்டுகளில், நாங்கள் 6,000-க்கும் மேற்பட்ட சட்டவிரோத குப்பை கொட்டும் இடங்களை வெற்றிகரமாக மூடியுள்ளோம்” என்று அவர் கூறினார்.
