உலகம் முழுவதும் சுனாமி பேரிடர் குறித்த விழிப்புணர்வை ஏற்படுத்தும் வகையில், ஆண்டுதோறும் நவம்பர் 5-ந்தேதி உலக சுனாமி விழிப்புணர்வு தினம் கடைப்பிடிக்கப்படுகிறது. சுனாமி ஏற்படுவதற்கான அறிகுறிகள், அதனால் ஏற்படும் பாதிப்புகள், முன்னெச்சரிக்கை நடவடிக்கைகள் மற்றும் பாதுகாப்பு வழிமுறைகள் குறித்து பொதுமக்களிடம் விழிப்புணர்வு ஏற்படுத்துவதே இத்தினத்தின் முக்கிய நோக்கமாகும்.
சுனாமி என்பது கடலுக்கு அடியில் ஏற்படும் நிலநடுக்கம், எரிமலை வெடிப்பு அல்லது நிலச்சரிவு போன்ற நிகழ்வுகளால் உருவாகும் மிகப்பெரிய கடல் அலைத் தொடர் ஆகும். இந்த அலைகள் கடற்கரையை அடையும்போது மிகுந்த வேகத்துடனும் சக்தியுடனும் நிலப்பகுதிக்குள் புகுந்து பெரும் உயிரிழப்புகளையும் பொருள் சேதங்களையும் ஏற்படுத்தக்கூடும்
