குவாந்தான்: தாமான் செரேட்டிங் டாமாயில் கொலை செய்யப்பட்ட 2 வயது குழந்தையின் உடல், இன்று பிரேத பரிசோதனைக்கு உட்படுத்தப்பட்டது, இன்று பிப்ரவரி 18, 2024 அவளுடைய இரண்டாவது பிறந்தநாள்
நூர் சுமையா ஹுமைரா என்ற அந்தக் குழந்தை நேற்று காலை அவரது உயிரியல் தந்தையால் குத்தப்பட்டதாக நம்பப்படுகிறது. தெங்கு அம்புவான் அப்சான் மருத்துவமனையில் நூர் சுமையா மற்றும் அவரது ஐந்து வயது சகோதரி நூர் சபியா ஹுமைரா ஆகியோரின் பிரேத பரிசோதனைகள் நடைபெற்று வருவதாக மாவட்ட காவல்துறைத் தலைவர் உதவி ஆணையர் அஷாரி அபு சமா தெரிவித்தார்.
“இரு சிறுமிகளுக்கும் கூர்மையான ஆயுதத்தால் குத்தப்பட்ட காயங்கள் இருப்பது ஆரம்ப விசாரணையில் தெரியவந்துள்ளது” சந்தேக நபரின் தாயார் துவான் கமரியா வின் (56) இன் பிரேத பரிசோதனை இன்று நடைபெறும் என்று அஷாரி கூறினார். இதற்கிடையில், 28 வயது சந்தேக நபர் மற்றும் அவரது மனைவி நூருல் அஷிய்கின் கமருசாமானின் பிரேத பரிசோதனைகள் நேற்று நிறைவடைந்த தாக அவர் கூறினார்.
சந்தேக நபரும் அவரது மனைவியும் கடுமையான கத்திக்குத்து மற்றும் வெட்டுக் காயங்களால் இறந்தனர்,” என்று அவர் கூறினார். மீதமுள்ள மூன்று பாதிக்கப்பட்டவர்களின் பிரேத பரிசோதனை நடைமுறைகள் நண்பகலில் நிறைவடைந்து, ஐந்து உடல்களும் இன்று அடக்கம் செய்வதற்காக விடுவிக்கப்படும் என்று அஷாரி கூறினார்.
