“மெர்சுன் போலா” (mercun bola ) வெடிப்பு நிகழ்ந்து எட்டு ஆண்டுகள் கடந்துவிட்டன என்றாலும், 17 வயதான முகமது இஸ்ராப் பிரடௌஸ், இந்த சம்பவம் தனது நினைவில் இன்னும் தெளிவாக நிழலாடுகிறது.
10 வயதில் நடந்த இந்த விபத்து, தனது வலது கண்ணை குருடாக்கி, மாற்றுத்திற னாளியாக வகைப்படுத்தியதற்கு அவர் வருத்தப்படுகிறார்.
2019 ஆம் ஆண்டு ரமலான் மாதத்தில் நடந்த சம்பவத்தை நினைவு கூர்ந்த இஸ்ராப், நண்பர்களுடன் பந்து வடிவிலான “மெர்சுன் போலா” என்ற பட்டாசுடன் விளையாடிக் கொண்டிருந்த போது அது ஒரு நொடியில் நடந்ததாகக் கூறினார்.
நாங்கள் அதை பற்றவைப்பதற்கு முன்பு ஒரு சார்டின் டின்னில் வைத்தோம். வெடிப்பு மிகவும் வலுவாக இருந்தது, டின் உடைந்து துண்டுகள் என் வலது கண்ணைத் தாக்கின. கார்னியா ( கரு விழி படலம்) வெடித்து காப்பாற்ற முடியவில்லை,” என்று அவர் நெனாசியின் கம்போங் தஞ்சோங் பட்டுவில் ஓர் ஊடக பேட்டியில் நினைவு கூர்ந்துள்ளார்.. உடனடியாக வலியை உணரவில்லை, ஆனால் தனது வலது கண்ணில் பார்வையை முற்றிலுமாக இழந்துவிட்டதாகக் கூறினார்.
ஹரி ராயாவுக்கு ஒரு நாள் முன்பு நடந்த இந்த சம்பவம் அவரது வாழ்க்கையை உடனடியாக மாற்றியதாக அவர் கூறினார்.
“என் முகத்தில் ரத்தம் வழிந்ததும் அதன் பிறகு ஏற்பட்ட வலியும் எனக்கு நினைவிருக்கிறது. குவாந்தனில் உள்ள தெங்கு அம்புவான் அப்சான் மருத்துவமனையில் ஒரு வாரம் சிகிச்சை பெற்றேன், அங்கு எனது வலது கண்ணில் உள்ள கார்னியா வெடித்துவிட்டதாகவும், காப்பாற்ற முடியவில்லை என்றும் மருத்துவர்கள் உறுதிப்படுத்தினர்.
“அழுவதில் எந்த அர்த்தமும் இல்லை. எனது செயல்களால், வாழ்க்கையின் விளைவுகளை நான் தாங்கிக் கொள்ள வேண்டும்,” என்று அவர் கூறினார், மேலும் அவர் 12 வயதிலிருந்தே கண்ணாடி அணிந்திருப்பதாகவும் கூறினார்.ஒரு கண்ணில் பார்வைக்கு ஏற்ப மாறுவது எளிதல்ல என்று அவர் கூறினார்.என் பெற்றோரின் ஆதரவு எனக்கு நம்பிக்கையை மீண்டும் பெற உதவியது.
