பார் கவுன்சில் நேற்று நடைபெற்ற வருடாந்திர பொதுக் கூட்டத்தில் (AGM) 2026/2027 பதவிக்காலத்திற்கான தலைவராக ஆனந்த் ராஜைத் தேர்ந்தெடுத்துள்ளது, டத்தோ முகமது எஸ்ரி அப்துல் வஹாப்பிற்குப் பிறகு அவர் தேர்ந்தெடுக்கப்பட்டார்.
துணைத் தலைவராக முர்ஷிதா முஸ்தபாவும், செயலாளராக ஆர். ஜெயபாலனும், பொருளாளராக பீட்டர்-டக்ளஸ் லிங் தேர்ந்தெடுக்கப் பட்டார்.
பல நிர்வாகிகள் தங்கள் முந்தைய பதவிகளில் இருந்து உயர்ந்துள்ளதால், புதிய தலைமை தொடர்ச்சியைக் குறிக்கிறது என்று ஆனந்த் கூறினார்.
“தலைவர், துணைத் தலைவர் மற்றும் செயலாளர் என அனைவரும் இன்று முடிவடைந்த முந்தைய பதவிக்காலத்தில் இருந்த இடத்திலிருந்து ஒரு படி மேலே வந்துள்ளோம். இது தொடர்ச்சியைக் குறிக்கிறது” என்று அவர் ஆண்டு பொதுக் கூட்டத்திற்குப் பிறகு செய்தியாளர் கூட்டத்தில் கூறினார்.
புதிதாகப் பொருளாளராகத் தேர்ந்தெடுக் கப் பட்ட லிங், சட்டம் மற்றும் கணக்கியல் இரண்டிலும் அனுபவத்தைக் கொண்டு வந்ததாகவும் அவர் கூறினார்.
“கணக்குகள் மற்றும் சட்டத்தில் பின்னணியைக் கொண்ட பீட்டர்-டக்ளஸ் லிங்கை பொருளாளர் பதவிக்கு தேர்ந்தெடுப்பது கவுன்சிலுக்குத் தகுதியானது என்று கருதப்பட்டது,” என்று அவர் கூறினார்.
