2025 ஆம் ஆண்டுக்கான எஸ் பி எம் (SPM) தேர்வு முடிவுகள், 2024 ஆம் ஆண்டில் 4.49 புள்ளிகளாக இருந்த தேசிய தர சராசரி (GPK) குறியீட்டை விட, 4.42 புள்ளிகளுடன் சிறந்த சாதனையைப் பதிவு செய்துள்ளன. கல்வித் தலைமை இயக்குநர் டத்தோ டாக்டர் முகமட் அஸாம் அமாட் கூறுகையில், 2024 ஆம் ஆண்டில் 355,933 தேர்வர்கள் எஸ்பிஎம் சான்றிதழைப் பெறத் தகுதி பெற்றிருந்த நிலையில், 2025 ஆம் ஆண்டில் மொத்தம் 366,435 தேர்வர்கள், அதாவது 94.29 சதவீதம் பேர், தகுதி பெற்றுள்ளனர்.
“இந்த எண்ணிக்கை 10,502 தேர்வர்கள், அதாவது 0.28 சதவீதம் அதிகரிப்பைக் காட்டுகிறது.” “எஸ்பிஎம் தேர்வு முடிவுகளின் வடிவில் தங்கள் முயற்சிகளை வெளிப்படுத்திய அனைத்து ஆசிரியர்களுக்கும் கோடான கோடி வாழ்த்துகள்,” என்று அவர் செய்தியாளர் சந்திப்பில் கூறினார். இதற்கிடையில், 2025 SPM தேர்வு முடிவுகளின் பகுப்பாய்வில், அனைத்துப் பாடங்களுக்கும் 7,099 தேர்வர்கள் தேர்வு எழுத வரவில்லை என்று முகமது அஸாம் தெரிவித்தார். 2025 SPM தேர்வில் குறைந்தபட்சம் ஆறு பாடங்களுக்குப் பதிவுசெய்த 395,740 புதிய தேர்வர்களில், 1.79 சதவீதம் பேர் தேர்வு எழுத வரவில்லை என்று அவர் கூறினார்.
