புனிதமான இந்து சின்னத்தை அவமதித்ததாகக் கூறப்படும் குற்றச் சாட்டின் பேரில் மே 17 அன்று குற்றம் சாட்டப்படவுள்ள செயற்பாட்டாளர் தமீம் தாஹ்ரி அப்துல் ரசாக்கைக் கண்டு பிடித்து கைது செய்வதில் ஏற்படும் தாமதம் குறித்து டிஏபி நாடாளுமன்ற உறுப்பினர் ஒருவர் கேள்வி எழுப்பி யுள்ளார்.
சவூதி அரேபியாவில் இருப்பதாகக் கூறப்படும் தமீமைத் திரும்பப் பெறுவதற்கு, உள்துறை அமைச்சு சட்ட மற்றும் இராஜதந்திர நடவடிக்கைகளை எடுத்துள்ளதா என்று ஜெலுத்தோங் நாடாளுமன்ற உறுப்பினர் ஆர்.எஸ்.என். ராயர் கேள்வி எழுப்பினார்.
“தமீமைக் கைது செய்வதில் ஏற்பட்ட தாமதத்திற்கு, காவல்துறை தலைமை ஆய்வாளரும் உள்துறை அமைச்சரும் இன்றுவரை ஏன் எந்த விளக்கமும் அளிக்கவில்லை?” என்று வழக்கறிஞ ராகவும் இருக்கும் ராயர் ஒரு அறிக்கையில் கேள்வி எழுப்பினார்.
“நடவடிக்கை எடுக்கப்பட்டு வருகிறது” அல்லது “விசாரணைகள் நடைபெற்று வருகின்றன” போன்ற தெளிவற்ற பதில்களை அதிகாரிகள் அளிக்க வேண்டாம் என்று அவர் கூறினார்.
குறிப்பாக இனம் அல்லது மதம் போன்ற உணர்வுப்பூர்வமான விஷயங்கள் சம்பந்தப் பட்டிருக்கும்போது, தாமதங்கள் யூகங்களைத் தூண்டும் என்றும், தெளி வின்மை கோபத்திற்கு வழிவகுக்கும் என்றும் அவர் அதிகாரிகளை எச்சரித் தார்.
“இதன் காரணமாக, இந்த வழக்கின் நிலை குறித்து ஐஜிபி மற்றும் உள்துறை அமைச்சர் ஆகியோர் தெளிவான மற்றும் உறுதியான விளக்கங்களை அளிக்க முன்வர வேண்டும் என்று நான் கோருகிறேன். சமீபத்திய நிலவரங்களை நான் அறிய விரும்புகிறேன்,” என்று அவர் கூறினார்.
