சமீபத்தில் இதுபோன்ற பல வழக்குகள் கண்டறியப்பட்டதைத் தொடர்ந்து, அனைத்துலக பாஸ்போர்ட் விண்ணப்ப தாரர்கள் தங்கள் விண்ணப்பப் புகைப்படங்களை ‘அழகுபடுத்து வதற்காக’ செயற்கை நுண்ணறிவு (AI) தொழில்நுட்பத்தைப் பயன்படுத்துவ தற்கு எதிராக குடிநுழைவுத் துறை கடுமையான எச்சரிக்கை விடுத்துள்ளது.
இணையவழி புதுப்பித்தல் சேவைகளைப் பயன்படுத்தத் துறை ஊக்குவித்தாலும், சில விண்ணப்ப தாரர்கள் தங்கள் தோற்றத்தை மேம்படுத்துவதற்காக டிஜிட்டல் முறையில் மாற்றியமைக்கப்பட்ட படங்களைச் சமர்ப்பித்தது கண்டறியப் பட்டுள்ளது என்று தலைமை இயக்குநர் டத்தோ ஜகாரியா ஷாபான் கூறினார்.
“இணையவழியில் விண்ணப்பிப்பது எங்களின் வழக்கமான நடைமுறை என்பதால், பொதுமக்கள் அவ்வாறே விண்ணப்பிக்க நாங்கள் தொடர்ந்து ஊக்குவிக்கிறோம். இருப்பினும், விண்ணப்பதாரர்கள் செயற்கை நுண்ணறிவு தொழில்நுட்பத்தால் உருவாக்கப்பட்ட அல்லது மேம்படுத்தப் பட்ட புகைப்படங்களைச் சமர்ப்பிக்கக் கூடாது என்பதை நான் வலியுறுத்திக் கூற வேண்டும்,” என்று ஜகாரியா இன்று ஒரு செய்தியாளர் சந்திப்பில் கூறினார்.
விண்ணப்பதாரர்கள் தங்கள் உடல் தோற்றத்தையோ அல்லது சரும நிறத்தையோ மாற்ற முயற்சிப்பதால், இந்த வழக்கம் தற்பெருமையால் தூண்டப்பட்டதாகத் தெரிகிறது என்றும் அவர் கூறினார்.
செயற்கை நுண்ணறிவு பயன்படுத்தப்பட்ட பல நிகழ்வுகளை நாங்கள் கண்டறிந்துள்ளோம். சிலர் ‘அழகான’ புகைப்படத்தை விரும்புவ தாகத் தெரிகிறது — ஒருவேளை, தங்கள் கருமையான நிறத்தை வெண்மையாக மாற்றவோ அல்லது தாங்கள் இருப்பதை விட ‘அழகாக’ தோற்றமளிக்கவோ முயற்சிக்கலாம்.
“மேலோட்டமாகப் பார்க்கும்போது, அந்தப் புகைப்படம் விண்ணப்பதாரரைப் போலவே தோன்றலாம், ஆனால் ஒரு உண்மையான புகைப்படத்திற்கும் திருத்தப்பட்ட புகைப்படத்திற்கும் உள்ள வேறுபாட்டைக் கண்டறியும் நிபுணத்து வம் எங்கள் செயலாக்க அதிகாரிகளுக்கு உள்ளது,” என்று அவர் கூறினார்.
l;l;l
